للشاعر ابو ميعاد الاسدي )

الله اختار هذا الاسم ومن اسمه العلي سمّاه

واول اسم بالاسلام اسمك ياعلي الكيناه

يامولود بالكعبه بزغ نوره ورضع بالبيت حب الله ؟؟

وياهو الفاز بالمحراب واستشهد على مصلاه ؟؟

ومنو العاشر رسول الله بحياته،، ومن رُبَه ويّاه؟؟

مدينة علم طه وبابها الكرار وبهذا العلم ربّاه

ومنو الزهراء ريحانة محمد زوّجه وانطاه ؟؟

ويامسلم الآمن بوّل الاسلام

وتباهه المَلَك جبريل من آخاه؟؟

وياهو الماسجد للآت والعزه ؟؟ يكرم ماسجد حاشاه

ومنهو اللي نذر روحه؟؟

وياهو النام بفراش النبي وافداه ؟؟

علي دين الله هَمَه وراية الاسلام

موطالب خلافه وجاه

علي فضله على الاسلام وبهذا شهد تاريخه لليقراه

علي ماغرّته الدنيا وطلّك راحته ودنياه

علي الكرار يوم الكون ماادبر وكال احّاه

علي يوم الحرب معروف قالع باب خيبر مااظن تنساه

وهوّه الماجزع من حر ولابرد الشته يبرده ويصيح اشّاه

علي ويالحك لوين ايدور دار وياه

علي الدر علي الآيه علي السر علي الغايه

ومن عده رحيق الدين شميناه

علي الغيث للينخاه ومر علكم على العاداه

المايعرف علي خسران يخسر دينه ودنياه

وربح كلمن مشه ابدربه وضاع المايحبه وتاه

ولي الله سيف الله عبد الله كمل دين الذي والاه

علي بساق العرش مكتوب ومن نور العرش مسراه

علي الفردوس والكوثر علي الايمان والجوهر

وامير المؤمنين اتلقب ابمعناه

ياحيّاه كنه وياه حبيناه ماشفناه وياكرار ناديناه

واليوم ابميلاده انّادي ياوهّابي كنه وياه يا وهّابي كنه وياه

------------------------------------------------------------

مع تحياتي لكم ايها القرّاء الافاضل / الشاعر ابو ميعاد الاسدي