شعر شعبي |
| | | | قصيده للامام علي عليه السلام |  الأربعاء يونيو 18, 2008 11:54 am من طرف المشرف العام | االحب الفطري
ــــــــــــــــــــــ
موعجيبه انحب علي الحد الجنون
اومو عجيبه نصوم عشگه امن المهد
فطري حب المرتضى ابسر البطون
اوباسمه يندب كل طفل شيعي انولــد
هي بس لفضت علي اطهر اللسان
ابحلگي تبگه اسنين جمار اوشـَهَـــد
حب علي الكرار واجب بالكتاب
اوفرض سادس بي امر واحد احـــــد
انا شيعي اورافضي اوكلش فخور
باقي من يوم الغدير اعلى العهـــــــد
والنكث عهده العلي اوخان الرسول
اهناك نتحاسب اذا حل الوعـــــــــد
اوكلمن ايبسط شليله اويشتكي
اويحكم ابيناتنا الباري الصمـــــــد
انت هسه اتغار چي نعشگ علي
شلون گلي اهناك هم تطحن كبَـــد
ارد انصحك لله بطل هل المسير
اوراجع افكارك عدل واقره السنــد
انا وانت اخوان بالله اوبالرسول
اوبالكتاب اوقل هو الله احـــــــــــــد
ظل فرق بيناتنا اتبايع علي
حتى اعتقك غاد من حبل المَـســــد
من توهگ ادم اتنخه ابلعي
اودگله حيدر بالجنان اول وتــــــــد
اوصار عصت موسى حيدر للطغات
واعترف فرعون وبحيدر شَهَـــــــد
اونوح بالطوفان يندب يامغيث
اولوله حيدر يوسف ابيره ارتعـــــد
اوحوت يونس من نزل عمق البحار
نزل حيدر وانقذه اوجابه اوصعـد
بدر تشهد للوصي اوتشهد حنين
وابن ودها اگبال حيدرنا استعَــــــد
اوباب خيبر بيد ابو الحمله انقلع
امجندل الفرسان وبهاي انفــــــــــرد
ظهظب الفرسان حيدر بالنزال
چانت بالاف فرسانك تـُعَــــــــــد
هو ياهو الگام طاول وي علي
تمطر بسجيل حيدر لو رعَـــــــــــد
ماحنه الهام الصنم حيدر محال
اولاتبع جهباز كـَشَفها اوشـَـــــــــرد
كل بطل معروف ينعد چم الف
بس علي الكرار جاوز كل عـــــــدد
طلگت الكعبه الشريفه ابحيدره
اشرف امن البيت مولود انولــــــــــد
گلي شنهو اتريد يمعود دليل
عندي الك شكبان لو تطلب بَعَـــد
والله لوله المرتضى اودم الحسين
چان لاصمنا ولا واحد سجَـــــد
مشير السعيدي
| | تعاليق: 0 |
| | احصائيات | هذا المنتدى يتوفر على 21 عُضو.
آخر عُضو مُسجل هو وهاب شريف فمرحباً به.
أعضاؤنا قدموا 122 مساهمة في هذا المنتدى في 106 موضوع
|
| من على الخط ؟ | ككل هناك 1 عُضو حالياً في هذا المنتدى :: 0 عضو مُسجل, 0 عُضو مُختفي و 1 زائر لا أحد أكبر عدد للأعضاء المتواجدين في هذا المنتدى في نفس الوقت كان 9 بتاريخ الأحد أكتوبر 19, 2008 7:44 pm |
|
| |
|
» السلام عليكم ورحمة الله وبركاته
» موقع الشاعر مشير السعيدي على اليوب توب
» قصيدة طالب المجنون الشاعراميرالمالكي
» تبقى متالق وشامخ كنخيل البصرة وذي قار
» الى اعز انسانة
» قصيدة انا مثل الفرح وومضة
» أيام البيوت....
» الهوى الاول