قصيدة ضلع الزهره

ضلع الزهره
ــــــــــــــــــــ
اليوم لجلِچ يالزچيَه إنهِل دَمِــــــــع
اوصوت صحنا ابكل ماذن يِنسِمِـع
ـــــــــــــــــ
صَرخـَت إلشيعَه إبمصابچ تِستِغيــث
مِن عِدَه إلاسلام وأرجارس إوخـَبيث
مايـِهِمَه إلبَحَر كِل هذا إلنِثيـــــــــــث
بَحَر حبكم بَس لـَحبكم يـٍتِسِــــــــــــع
ــــــــــــــ
إشراع حبكم والسفينه شيعِتِــــــــــچ
كِلها مَنواها يَزَهرَه شَفعِتِــــــــــــــچ
نبچي وإندِگ إلصِدور إلوگفِتِــــــــچ
يوم القيامه البايَع الكم يـِنتِفِـــــــــع
ـــــــــــــــ
إليوم يَم إلحَسَن يوم إلنايـِبـــــــــــات
إليوم تِبچي إعليچ كُفار إوتـُقـــــــات
دم دَمِعها إيسيل ياإم إلابـــــــــــــات
حَسرَه تِلحَگ آه لِصواب إلضِلِــــــع
ــــــــــــــ
حَسرَه بينا إو آه يَم إلحَسَنيــــــــــــــن
مِن رَحلِتي إلشيعَه يَمها إميَتِميـــــــــن
وإلكِدَر طـَبها إبگطع نَحر إلحسيـــــن
وإلحِقِد بَيَن وِضـَح وأصبَح يـِشِـــــــع
ـــــــــــــــ
بينا كِل واحد تـَره إبضِلعَه كَسِـــــــر
مِن دِمانـَه إلبَلوِتِچ حِبر إلشِعِـــــــــــر
إوبينا لـَحسين إلكـَسِر مايـِنجـِبـِـــــــر
وَحشَه عاشِر يوم عاشور إوبَشِـــــــع
ــــــــــــــ
إنقيم يَحسين إلطـَبگ طول إلحَيـــــــاة
حيث حاوي حسين كِل طـَيب إلصِفات
إوعَلـَمتنـَه إدروس نِتحَدى إلطـُغــــات
دروس مِنها نِرتِوي إزلال إلنـَبـِـــــــع
ــــــــــــــ
مِن إبو إلسَجاد موقف نِستِفيـــــــــــد
عِبرَة إدروس إلشَرَف گـَطع إلوِريد
موقِفـَك تاريخ ضِد ذاك إليَزيـــــــد
إوضِد أراذِل آل إميَه إوكِل جَشِــــع
ــــــــــــــ
حسين مادور مَناقِب لوفـَخـَـــــــر
يكفي نَسِل حسين من سَيد إلبَشَــر
بالدَرَك صارَت إميَه إبلا خـَبَــــر
حسين فاز الاخره اوكبره يـِشِع
ــــــــــــــ
هاشِم ابيوم الحشر نالت ظـَـــــفَر

والسجد لوثان يبشر بالسَقـَــــــــر

وِبجَهَنـَم فاز إميَه إلمـُستـَقـَــــــــر
لنه مااده فريضه اولا فــــــــــرع
ــــــــــــــ

مشير السعيدي