موقع الشاعر مشير السعيدي

موقع الشاعر مشير السعيدي

شعر شعبي

التبادل الاعلاني

السلام عليكم على بركة الله افتتح منتدانا المتواضع هذانرجو ابداء ارائكم الكريمه لانها تهمنا كثيراالشاعرمشير السعيدي

    صوت اوصوره جديده

    شاطر

    صوت اوصوره جديده

    مُساهمة من طرف المشرف العام مشير السعيدي في الإثنين سبتمبر 08, 2008 6:58 pm

    صوت اوصوره
    ــــــــ
    أنتَ شكتبلك قصيدَه إمن إلشِعِر
    وإنتَ ياديوان يگدَر يوصِفَـــــك
    إبيا وزن أكتب حبيبي إويابَحَر
    والقَوافي إشما كتَبتَك گبلي يَدعَي كتبِتَِك
    انتَ كِلَك على بَعضَك صَم عَسَل
    وإنتَ نَحَلَك مِن حَلاتَك لطعِتَـــــك
    إنتَ مِن تِحچي كلآمَك شو قصيد
    دُر يَماسَه إوشَذر تِطلَع چِلمِتَـــــك
    إنتَ حچيَك من شِعِر بَحر البسيط
    چِلمَه عَنتَر مايصح إبجملِتَــــــك
    وألله من تحچي شِعِر تِنعَل ثِواي
    وانا كل بيتين أسب إلنگلِتَــــــك
    وانتَ صوتَك عَزِف عود إونَغَم ناي
    إبطَبلَت إذني إسبوع ترگص نَغمِتَـــك
    إشلون صبرَت تِسعَه بيك إمَك عجيب
    وإنتَ حَيمَن وإلعَواذِل حِسدِتَــــــك
    صِرِت ظِلي إمنين ماولي وراي
    صِمت وأفطِر ياهلال إبطلِتَــــــك
    وانا لوصَليت تِعرِضلي إبدَعاي
    لله أصلي إوروحي يَسمَر صَلِتَــــك
    عوذَه خَليني إوتِميمَه إمن إلحَسود
    إوحِطني وي معضَد وأساور رگبِتَــك
    حِطني خِرخاشَه تِذَكرَك لوسهيت
    إوحِطني ديرَم بيه تِزوگ شِفِتَـــــك
    حطني شامَه إودِگني وَشمَه إعلى الجبين
    حطني كِحلَه أوحِطني حُمرَه إبوَجنِتَــك
    تِدري ذوبوني إبأسيد إوماذِبِت
    بَس يَناهي إطحين أصير إبضِحكِتَــك
    وأنتشيك إبكاس خَمَره إبلا كِحول
    مانَي مِدمِن بيك مِعلِن طاعِتَـــــك
    وأشتِهيك إبيوم بيه إربَع فِصول
    إبگلبي أظمَك مِن تِعَسِم چِلِتَـــــك
    وإبلفيح إلگيض أصيراً فُص ثَلِج
    سَلسَبيل إوروحي مِزنَه إوعِطشِتَـــك
    وإبخَريفَك أنزِل إبفيك نِدَه
    إوريع أفيضاً مِن تِذوبِل وَرگِتَــــك
    وإبرَبيعَك بيَه تِزهي إوبيك أفوح
    صَبخَه روحي إوزوگِتها إبوردِتَـــك
    إنتَ طِرگاعه إولِفيت أتلَه إلعُمُر
    إهوايَه متأخِر حبيبي إبجَيِتَـــــك

    مشير السعيدي







    _________________
    انه الماصَر ضميره أوعَلـَگ الوجدان
    صَر اهموم رَبعَه ابزحمة اكواره

      الوقت/التاريخ الآن هو الخميس أبريل 26, 2018 3:13 pm