موقع الشاعر مشير السعيدي

موقع الشاعر مشير السعيدي

شعر شعبي

التبادل الاعلاني

السلام عليكم على بركة الله افتتح منتدانا المتواضع هذانرجو ابداء ارائكم الكريمه لانها تهمنا كثيراالشاعرمشير السعيدي

    القران الناطق

    شاطر

    القران الناطق

    مُساهمة من طرف المشرف العام مشير السعيدي في الأربعاء يونيو 18, 2008 2:45 pm







    القرآن الناطق
    ـــــــــــــــــــــ
    اكتب ياقلم طلع الخفي امن ادهور
    اوغوص ابكل حِواشي الروح واكتبها
    او بحوش كل شرايين الكلب ودماه
    اودون كل خليه اتريد مطلبهـــــــــــــا
    لان كلبي اوشراييني اوجميع اعضاي
    كلها ابحب علي الكرار منبضهـــــــــا
    عشكته ابلا طمع دنيا اوغزل جذاب
    اوعشكه اعيوني لذ النوم سالبهــــــــــا
    اهو شنهي ابعلي ماينعشك ياناس
    بعدها بعالم الارحام روحي وعشكه داعبهـا
    علي قرآن ناطق بيه قرينه الدين
    والقرآن كل الكبله شطبهــــــــــــــــــا
    علي نهج البلاغه الفسر القرآن
    اوعلي وهج الرساله ابسيفه شلهبهــــــا
    علي كرار لو شدة رسنها الخيل
    زلم تنعد بالف بالسوح ضهضبهـــــــا
    علي ماطاح مره اومهره خانت بيه
    واذا تتعب مهرته الكاع يركبهــــــــــا
    علي البكاء بالمحراب وكت الليل
    علي الضحاك لو يظت حرايبهــــــــا
    علي زلزال يطوي الدنيا من يغتاض
    ابندح سيفه اودركته الحومه يطربهـا
    علي واحد وحيد امنادم الهل اليوم
    اشكثر فرسان حيدر كص شواربهـــا
    بيك الكعبه طلكت والنفخ بالصور
    ومن ثدي الحرم كل شيمه شاربهـــــا
    غلك بيبان حاتم جود ابو الحسنين
    وكل يفنه اوفضيله اصبحت لاعبــهــا
    علي طوه المناقب طويت اخر يوم
    كلها ابحضرته احتضرت مناقبــهــــا
    علي ماهاب موت ابحر وطيس الموت
    علي هو المنايه ابسيفه تعبهـــــــــــــا
    عمر بخن حجاها ابصف رسول
    اوبكتار السقيفه البخن ضاربهـــــــــا
    وهو من كال عنك جا طحت لولاك
    والفاروق انت اوعمر ناهبهــــــــــــا
    علي حامه الحمه ومجير كل مظلوم
    ماهادن مكر لو كيد ثعلبهــــــــــــــــا
    علي من كام طاول ودها طول ابطول
    والخانت علي ارتجفت مخالبهــــــــا
    علي ابسوح الوغى ينعد عشر تالاف
    والعشره التجيه امن اسمه راعبهـــا
    واذا ضهضب علينه اوشرعباه الغيض
    يجر بيده الشمس للكاع يجلبهـــــــا


    مشير السعيدي

      الوقت/التاريخ الآن هو الثلاثاء نوفمبر 21, 2017 1:39 pm