موقع الشاعر مشير السعيدي

موقع الشاعر مشير السعيدي

شعر شعبي

التبادل الاعلاني

السلام عليكم على بركة الله افتتح منتدانا المتواضع هذانرجو ابداء ارائكم الكريمه لانها تهمنا كثيراالشاعرمشير السعيدي

    محاوره بين اربع شعراء المحنه والسعيدي والديواني والسماوي

    شاطر

    محاوره بين اربع شعراء المحنه والسعيدي والديواني والسماوي

    مُساهمة من طرف المشرف العام مشير السعيدي في الأحد يوليو 13, 2008 11:45 am



    [b]محاوره بين الشعراء



    السيد المحنه


    عباس الديواني


    كاظم السماوي


    مشير السعيدي





    المحنه


    ــــــــــــــــــــ


    روحي اخلاف اهلها اشلون تاليها
    الف ذيب العوه وظم جوعته اعليها



    الف ذيب العوه اويبراهه الف صايود


    الف شامت والف نمام بيهه ايگود


    حملهه اتغار من يوگع تشيله اردود


    بس ايد اوجدم والريح ياذيها


    ]ياذيها وحرام اعليها شوف الماي
    حظ الذيب تصبح لو مشت بهداي
    وينك ياعلي وهاي الكلايف هاي
    من غيرك يحيدر ينعرف بيها




    من غيرك يحيدر يحظر الها اليوم
    من صار العطش سچين بالزردوم
    كفت لاگرابه ولا صديج ايكوم
    كلها اتكترت والاس محاجيها



    ]
    كلها اتكترت يالغيرك اشعندي
    وحادي هموم روحي مسودن ويحدي
    اذا مثل المضن شوغات وتعدي
    من اول مهد متعود اعليها



    مشير السعيدي


    ــــــــــــــــــــــ


    متعود اعليها اوبيها ماخذ توز


    ثكل الكاع حملي اوبعد عايز عوز


    كطرة ماي واليها لفح تموز


    اونزلت فوك صيهود ابصحاريها


    &&&&&&


    صيهود اومحل نزلت فرد نكطه


    واجاها الكيض يبغي امن العطش شفطه


    تولوها ابرهاوه اوطاحت ابخطه


    شفت وآب فك عينه اويباريها


    &&&&&&


    يباريها اللهيب اونصب يمها ارواك


    ذعنت والدواهي اوياها حجل اوساك


    رحه اتدور بوش اشتطحن ابلا طاك


    داخت واهترت وانطحن باجيها


    &&&&&


    داخت يالصميده اونا اعض بشفاي


    هم اهلي وغربتي اوهم صكع دنياي


    لا لذ زاد اليه اولارويت ابماي


    اوبس ابليس يمي اوهل يوز بيها


    عباس الديواني


    ـــــــــــــــــــــــــــ


    بس ابليس موچب والمنايه اتصيح


    تشب نوبه اوتگع واتگوم نوبه اتطيح


    ورگه امچلبه بيك اوهاللفتهه الريح


    ياحيدر دخيلك گوم حامـــــــــيها




    حاميهه حشه ابهالحال تتركهه


    موت ايحيط بيهه اوموت يشبگهه


    يابو الغيث اغثهه اوياعلي ادركهه


    جثه اممدده اوسلاب حاديــــــــــها




    حاديهه السلبهه اوحشــم الهه الموت


    سكتة ذله چنهه اوصوت يخنگ صوت


    چفنهه اعلــــه ايده اوولم التابوت


    عله روس السيوف العده امشيعيــــــها





    على روس السيوف او صفگة العدوان


    اوعلى اطبول الشماته اوصرخة النسوان


    اوعلى البلعت لسنهه اوذلة الديـــوان


    اوعلى الباعت ضمايرهه اوشرت بيــــــها


    كاظم السماوي


    ـــــــــــــــــــــــ


    شرت بيها وجمرها ايوج ضحچ للريح


    ينفخهه وتكمش ماتريد اتطيح


    واديها غميج ومن صداها ايصيح


    ماظن الفزع يگدر يطب ليها




    يطب ليها الفزع وبعينه خل ايشوف


    بس همس الافاعي العل نياب اسيوف


    وحشه وظل ضحچها اامحنط ومچتوف


    وگوز النايبات امشرعب اعليها




    اعليها امشرعب وتضحك وهج برماد


    تسحگ عالوجع والشوغه كلها اعناد


    أنه العفت الجرح ينزف بلايه اضماد


    هسه اعله الرچيچه اشلون اجاريها





    اجاريها واگوم واحسب الف احساب


    اذا عاندت خلهه المانفعهه اعتاب


    اخلي الدمعه تركظ والتراب انگاب


    والوحشه فرس والظلمه تحديها


    المحنه


    ــــــــــــ


    [b] يحديها الظلام وناحرت بالسيل



    والفاجد نظر ساوه الصبح واليل



    ها مالت بعد ها ما تريد اتميل



    وكحه وعاندت چف اليلاويها






    وكحه وعاندت باخر نفس وتريد



    وگفه اتموت وتچيد اليريد ايچيد



    تبعد واليحبها ابعيد حيل ابعيد



    حيل ابعيد گطعة بيد تدريها



    [img(243,62)]



    [b] تدري الماسبگ ما جلّبو طرفه



    وتدري الماعبر يسمع ضحك جرفه



    ما مهيوب صوت الينكسر چفّه



    مهيوب اليشگ صدره ويلاجيها





    يلاجيها ويشبها وتشحط ابصبره



    فكّة ريج حنظل والشهد مرّه



    لاچن ميلة الصاحب صدگ كسره



    تهد الحيل ويضيع العتب بيها



    تهد الحيل ويضيع العتب بيها


    مشير السعيدي


    ـــــــــــــــــــــــــــــــــــ


    تِهِد الحيل حيل اوحيل تبغي اوحيل


    توجـِع حيل بيه امن الصديج ايعيـــل


    تِفِج روحك حِظِن وبليله تِضوي اسهيل


    والحسان ظـَنَت شو نِكـَت بيهـــــــــا





    حَسان انكلـَب بـَكان وي البين


    باريته امن اطيح ارجاه عود امعين


    تِنـَكـَر مال حاضِر صفـَه ايداعي ابدين


    طيحني ابهبيه اوطـــــاح تاليــها




    طاح اوكِمِت شِلتـَه اوبيدي الولي اعليه


    رِبَل كـَصيت جبدي اوكمت اوكِل بيـه


    كِضَت جبدي اولحكني ايريد كلبي اطيه


    شـبَت بَخـَت كلبي الربعي حاميهــا





    شـبَت بَخـَت كلبي البيها طـَب مامون


    وأشِب اضلوعي موكد لِلريَف جانــون


    لابز بالشِريعَه اولا احس ماعــــون


    ولاتمتد يميني ابذلِه واطيـــــــها





    عباس الديواني


    ــــــــــــــــــــــــ


    اطيهه وامدهــه للــعرف گدري


    يدريهه طويله اوتوصــــل اويدري


    ارد اسيول سوده امناحر ابصــدري


    ولارخص الاصحاب ابسوم شاريهه


    ولاارخص الاصـــحاب اولاابدلهه


    لون للموت توصل رگبــــتي الهه


    امدنهه جسر للخوه واسبلهــــــه


    سبيل الكل اصيل ابدمهـــه اهديهه


    اهديهه لخوتي اومااذل هيــــهات


    للصافح ابليـــس اوعانگ الشمات


    اِ يخَسَه كلمن يظن صوت المراجل مات


    صرخه اتهز ضمير الماسمع بيهه


    صرخه اتشگ اذان الماعرف گدره


    اوضل عبره تجيبه اوبي ترد حسره


    عيب اعله التلگه اسهامهه ابضهره


    اوعيب العيب عاب اوعيبهه اعليهه


    المحنه


    ــــ





    عيب العيب حتى العيب عاب الهاي


    اگفت والصديج اليطعن ابمگفاي


    هاي او هاي هفتت هاي شبّت هاي


    وين الماي اصيح اومن يطفّيها


    يطفّيها البرم روحه ويمينه الحاگ


    اخر جيّر اذنه ومد شرك بالراك


    گلت من جرّبت للموت ضد وفراگ


    ماريد الضحك ساعة بواچيها


    ادوّر عل يون گبلي اويگلي اضحك


    ويفوج البحر مگلوب من تبرك


    طبع الكاع ترتاح الچثير الدك


    بزرتها ابگدر طبرة مساحيها


    بزرتها ابگدر طبرة مساحيها


    مشير السعيدي


    ــــــــــــــــــ


    بزرتها تشب كون الارض ريعان


    واذا صيهود طكها المرز ظل موحان


    يلفح كيض حاسدها ويطك طوفان


    اصلها اومن اصلها الزود مطيها


    &&&&&


    مطيها الاصل حنكه ورباطت جاش


    وكحه اوي الثجيل اوماتناحي اكشاش


    لانخة مذله اورافكت اوباش


    اخو خيته رفيجي الشمس يجويها


    &&&&&


    اخو خيته رفيجي اوكبله اصيحن اخ


    ودكله اضلوع كلبي ابموكده شلاخ


    لا حبني الهتيت اولا احب نـَفاخ


    صديجي الروز من تنشد محاجيها


    &&&&&


    فـَيار الحجي اوتنكاد من رايه


    والنشمي اوتكانه ايبان من رايه


    البحر هو البحر معروف من رايه


    والمحنه انفرد باصمع قوافيها


    احمد العبادي


    ــــــــــــــــــــــــ


    قوافيــهاارد اصــطرهــنواناشــــدكم



    بلجتللجرح يحـــصل ضــــمـــدعدكم



    شفتـكممن اهلــــهه وعـــنديواحــدكم



    سبـــعتـنعــــام من تنــعدســوانيهه






    منتنــعد ســوانيـــهه ويــجدالــجد



    حزمظــهري وعليهه خيولـــكمتلــــكد



    اجيــتومعـــتني وولهـــان اريدانـشد



    لكـــومالمـــاترد كاصـــد وصلليـهه






    وصـــلليهه وكصـدهه وبيــهه شـيلةراس



    اهلنخوه وشــــهامهوغانـــمهونومـاس



    المــحنهومشــــير وكــاظموعبـــاس



    هــــمومالبالصـــديج اليـومتجلـــيهه





    تجــــليهــمـــوم صاحبهه وتقرالعـين



    واجيتبطلـبه وحده وماتصــيراثنــــــين



    اريدنهالقــــــوافي تعــرّج علهحــسين



    وتهــــيمبكربله وتشـــرحمآســـــيهه










    [/b]
    [/b]


    _________________
    انه الماصَر ضميره أوعَلـَگ الوجدان
    صَر اهموم رَبعَه ابزحمة اكواره

      الوقت/التاريخ الآن هو السبت ديسمبر 16, 2017 8:53 am