موقع الشاعر مشير السعيدي

موقع الشاعر مشير السعيدي

شعر شعبي

التبادل الاعلاني

السلام عليكم على بركة الله افتتح منتدانا المتواضع هذانرجو ابداء ارائكم الكريمه لانها تهمنا كثيراالشاعرمشير السعيدي

    اه ياليل قصيده منبريه

    شاطر

    اه ياليل قصيده منبريه

    مُساهمة من طرف المشرف العام مشير السعيدي في السبت يونيو 21, 2008 1:08 pm


    آه ياليل
    ــــــــــــــــــــــ
    آه ياليل آه ياليــــــــــل بيك الدمع چت ايسيل
    بيك المصايب موجره بيك انهتك كل الحيــــــل
    &&&&&&&
    ياليل ريتك لاجيت جيت اوجبت كومه اسرار
    ياليل باچر ياليــــل صبحك يهد هاي الـــــــدار
    ياليل باچر ننولــي بغضا لبونا الكـــــــــــــرار
    باچر زلمنا امگنطره
    شبان متوسده الثره
    ياليل باچر ضغبره
    والوالي ناوي اعلى ارحيـــل
    &&&&&&&
    ياليل باچر لا لَفه تولينه باچر غمـــان
    باچر تطيح النه زلم تنذبح باچر رضعان
    ياليل سبط المصطفى ينذبح باچر عطشان
    عترة اهل بيت النبي
    ياليل باچر تنسبي
    ياليل من عدنه اشتبي
    چم ساعه منك ونشيـــــــــل
    &&&&&&&&&
    ياليل باچر ماشيـــــــن للشام اهل بيت الديـــــــن
    باچر اساره على الهزل يبره الظعن راس حسين
    ياليل باچر بي ألــــــــم چم حره باچر سابيـــــــن
    ريتك تطول ساعه
    باچر چفيلي اوداعـــه
    ضگنا الهظم بانواعه
    باچر يحل بينا الويــــــــــــــل
    &&&&&&&&&
    ياليل باچر شنشوف غير الدمه اوگطع اچفوف
    باچر يثلمون الدين فوگ السبط خيل اطوف
    باچر دمع عيني ايهيل والخدر باچر مكشـــــوف
    زينب تراني بت علي
    باچر اظل ابلا ولي
    باچر يعوفوني هلـي
    باچر شمر بيه ايعيـــــــــل
    &&&&&&&&
    ياليل اخبرك ياليـــــل عاشر محرم بالجره
    طاح العلم من عباس گطعوا يمنته اومنحره
    وحسين صابوه ابسهم وعياله كلها امطشره
    ياليل جارة كربلـــــه
    بسهام شمر اوحرمله
    بس اليتيم اوارملـــــه
    سالم طلع من هل الويـــــــل





    مشير السعيدي

    رد: اه ياليل قصيده منبريه

    مُساهمة من طرف المشرف العام مشير السعيدي في الأحد أبريل 17, 2011 1:51 pm



    _________________
    انه الماصَر ضميره أوعَلـَگ الوجدان
    صَر اهموم رَبعَه ابزحمة اكواره

      الوقت/التاريخ الآن هو الأربعاء أكتوبر 18, 2017 12:16 am