موقع الشاعر مشير السعيدي

موقع الشاعر مشير السعيدي

شعر شعبي

التبادل الاعلاني

السلام عليكم على بركة الله افتتح منتدانا المتواضع هذانرجو ابداء ارائكم الكريمه لانها تهمنا كثيراالشاعرمشير السعيدي

    شجن واحباب عن الغربه

    شاطر

    شجن واحباب عن الغربه

    مُساهمة من طرف المشرف العام مشير السعيدي في الخميس يونيو 19, 2008 3:19 pm


    شجن واحباب
    ـــــ



    هَلي وِعيونكُم تَعبان غَريب إوظيمي بَريَد ياهَلي إمتوني
    هَلي جارَن عَلَيَه إسنيني مَنخِيات يَبَن مِن دَمِعهِن ياهَلي إعيونــــي
    ماهَوَد دِليلي إولاهجع وِإرتاح هَلي خايف هَلي لايوم تِنسوني
    حِلِمكم ظِلي صَحوَه إونوم ماتِفعَل تِهِدَه إن كَضِتَه إسنونِــــــي
    هَلي ظيجه غُربتي إوطوَّل إلمشوار گَوَض مايِنوض إلحَيل إلحگوني
    هَلي گَصَر تِرَده إلشوف عاد إنتم هَلي إمن هناك شوفونــــــي
    هَلي إخذوني إبچَعَب دَلَه للخطار گَهوَه إلعَصر ضَيفونــــي
    هَلي إخذوني سِمَل كَشكول يِرويكم عِطش بالصَيف وِإنتم فَرَح بوسوني
    هَلي إمنَذكر سوالِفكُم طُبَگ رِمشي إعلَىَ عَيني إو رِچفَت إجفوني
    هَلي سادس فَرض صَلَيته وآنه إوحيد إبصلاة إلغَيب يالطيبين صَلونــي
    إوثَلِث تَيام مِن شَوال هَلي دَفعَة بَلَه إوياكم تِصومونـــــي
    هَلي روحي شَذاها لاطَعَم لالون بَس إلكم عِطِرها نِفَح شِمونـــــي
    هَلي وَحدي غَريب إوناگِع إمن إلشوگ بالمَشوَل هَلي إومشراگَه شِروني
    سِمچَه إوزوهَرَة بالهور إوصِوايِد إلفُرَص بالفول هِشلونــــــــي
    هَلي إسنيني نِذِر گِمت أطش بيها إصموم والله إطَشَرِت ياهيه لِمونــي
    هَلي ذِمَه إبرِگَبكُم ساعة إلتوديع مِن مايَة بَزِلكم هَلي إتغَسلونـــــي
    إوكافوري مِلح ماي إلصُبَخ وإلهور وِبخوص إلنَخَل يَحبابي چَفنونــــي
    إوبَعَد عِندي وِصِيَه إلحادِي عيس إلنوگ يَم چِرف إلفُرات إبنگرَه إدفنوني
    وِبهوسَة شِيَم مِن زِلِم ذِيچ إلگاع ثَلث أيام يَهل إلشِيَم شَيعونـــــي
    هَلي إويوم إلطَبگ وَي وَحشَة إلباجين إجبروا إبخاطِري إوبالطيف ضِيفوني
    هِلي إبنولي ذِچِر وَسط إلنَخَل وِإلماي إومِثل إبليس كِل مُصباح إرجمونـي
    چَي فَني عِفتكُم وأنحَرِت دار إبليس إبدار إبليس حَتى إبليس ماسونـــي

    مشير السعيدي

    رد: شجن واحباب عن الغربه

    مُساهمة من طرف المشرف العام مشير السعيدي في الأحد أبريل 17, 2011 1:52 pm



    _________________
    انه الماصَر ضميره أوعَلـَگ الوجدان
    صَر اهموم رَبعَه ابزحمة اكواره

      الوقت/التاريخ الآن هو السبت ديسمبر 16, 2017 8:58 am