موقع الشاعر مشير السعيدي

موقع الشاعر مشير السعيدي

شعر شعبي

التبادل الاعلاني

السلام عليكم على بركة الله افتتح منتدانا المتواضع هذانرجو ابداء ارائكم الكريمه لانها تهمنا كثيراالشاعرمشير السعيدي

    تنين الغدر

    شاطر

    تنين الغدر

    مُساهمة من طرف المشرف العام مشير السعيدي في الخميس يونيو 19, 2008 9:35 am


    تنين الغدر
    ـــــ
    چنت أظنَن بيك مزنه
    تمطر إعليه وفه إوحب إوحَنيــن
    إوچنت أظِنَك ثابت إشراع إبعَواصِف
    بيك إلوذ إشما گِصَت بيه إلسِنيــن
    إوچنت أظنك سِچَه تِضحَك لِليِدوس
    ثاري وحله إوي إلجِدَم تهوى إوتلين
    إتوَسَمِت بيك إلضمد وكت إلشِديد
    ياحَسافَه أتبينت شَعره إبعجيــــن
    إوثاري كِلَك وَرگَه من دَفتر جگاير
    سَهِل تلتَف باليِسار إوباليِميـــــن
    شَگض مِنَك وإنته زيبَگ بالحَرير
    إولولِزَمتَك ذِبِت مِثل إلموسَليــــن
    شَگض مِنَك يالبِعِت كِلشي إبلاش
    وإلشَراك إبلاش حَتما موثَميــــن
    صِرِت سِلعَه إوبِعِت روحَك بالكلام
    ياخَفيف إلچِنت أظِنَن بيه رزيـــن
    روح لوگ إعلى إليِلوگ إعليك طبعَه
    بالغَدر سِيان يِرهَملَك تِنيــــــن
    أنا ألوگ إعلى إلشَرَف وأثبِت وأموت
    ماألوگ إعليك يَنخال إلطِحيــــن
    أنا دَفتَر لِلضمايِر دَرِسوه
    وإنته لوطبيت چِلمَه إبدَفتَري إلدَفتَر يِشين
    إنته ماتِستِحِق چِلمَه إبدفتري
    لأن تافِه مايِنَديلَك جَبيــــــــن
    أنا هَلهولَه چِنِتلَك مِن تِصيح
    وأنتِخي إبنَخوَة عَشايِر يالَعيـــــن
    وانته يِذوَه أوماتكيِش بالغِميج
    وانا افوج الهور كِلَه إمن آل إزيرِج لِلصحين
    انته دِگمَه أتضيع بِردان إلقميص
    وانا بيرغ بالملاعِب وانا تيزاب إللجين
    يانَتِن إنته إورِدي إوكِلِش نَطيح
    وأنا ياسَه إتفوح جوري إوياسميـــن
    إليوم أفضحِك وأعتِقِد صَح إلصَحيح
    إليوم إلدغَك لَدِغ عَگرِب وأستِچيـــن
    إغرب إجلِب چِهرِتَك وَجهَك قَبيح
    وألله أموتَك حَسرَه حَسرَه إوآه آه إبلا وِنين

    مشير السعيدي
    avatar
    محمد الحسينى

    عدد الرسائل : 2
    تاريخ التسجيل : 13/08/2009

    رد: تنين الغدر

    مُساهمة من طرف محمد الحسينى في الخميس أغسطس 13, 2009 9:49 pm

    بعد ما خانك زمانك وعلمك معنى الغدر
    وبعد ما جفت دموعك جاى هسه وتعتذر
    انى ما اريد اعتذارك يلى ما هزتك دمعه
    وبعد ما اريدك تجينى ولا اريد الصوت اسمعه
    ياما ناديتك حبيبي وياما بيك توسلت
    وياما حلفتك ليالي وانت اكثر عاندت
    انه مثلك صرت هسه منك انه تعلمت
    ياما ساهرت الليالي وانتظرتك للفجر
    وانت طبعك لا ابالى وسلمتنى للهجر
    اخذ حبك ما اريده وارتكز بيديك رجعه
    وهذا ميثاق التنازل مستعد باللحظه اوقعه
    شفت منك كل جحود ومنك انه شحصلت
    غير اهات الليالى وغيرهن ما اظن شفت
    روح وابعد عن طريقى عل الخساره تعودت

      الوقت/التاريخ الآن هو السبت ديسمبر 16, 2017 8:50 am