موقع الشاعر مشير السعيدي

موقع الشاعر مشير السعيدي

شعر شعبي

التبادل الاعلاني

السلام عليكم على بركة الله افتتح منتدانا المتواضع هذانرجو ابداء ارائكم الكريمه لانها تهمنا كثيراالشاعرمشير السعيدي

    دارميات متفرقه

    شاطر

    دارميات متفرقه

    مُساهمة من طرف المشرف العام مشير السعيدي في الأربعاء يونيو 18, 2008 6:24 pm

    دارميات متفرقه
    ــــــــــــــــــــــــــــــ
    شجره وحدرها الناس تتفيه وتنام
    خلتني بالعاكول اتفييه الايام

    تتفيه بالعاكول خي عونك ابهاي
    انا باغم كل يوم مصباحي ومساي

    وينك يبعد الروح و سنيني و آنه
    كلبي انشلع يهواي و انت بمكانه

    انت الكلب يهواي تنبض بالضلوع
    العشرة لو هليت اعلكهن شموع

    رمشة جفن يهواي ماودي زعلان
    جا لو زعلت اسبوع تلكاني خرفان

    اخرف و اهيم عليك و اتوسد افراش
    ما يلحك وعيانك طبهم والا نعاش

    لا طب ولا عراف يلحكلي بجفاك
    منك نفسها الروح تتنفس وياك

    انتفسك بالروح و اشهك و اشم بيك
    كل عمري تربى العين يمدللي اعليك

    اي اي صدگ صايود وعيونك اجيس
    يلغاوي كل مخلوك واولهم ابليس

    اشهك وغص وغتاض من تجفي عني
    من تبعد اوعيناك تاخذني مني

    متلفلف انا اوياك كبل المنيه
    روحي اوي روحك دوم شو وحده هيه

    جنت اهتز ابملكاك وارعد واغيم
    مالك صرت دفان وبكبري كيم

    انا امن اغص وياك صدكني ماموت
    وان متنه انا اويااك يجمعنه تابوت

    من تزعل الخدين تحمر فرد نوب
    من زعلك اوعيناك صدكني ما توب

    هم انت مثل الناس وتوصفك الناس
    لا انت من تيزاب صبك ينسناس

    الدنيه بس وياي متهدله كلش
    هدمت كل الزين لحكتني للعش

    مو مثل عين هوايه زركه اليمامه
    سوده اوحور بلور تسوه الحمامه

    يم مجلس النواب اشكي الهظمني
    الوكت كل مصباح يطلع يغمني

    ياهو اليوافي اليوم كلمن يوافيه
    بس كهكها اوتسفيط ويجذب اعليه

    كلبك خلص لجمات كلبي انا ماهو
    وانشد علي نوبات انا انا ياهو

    تتوسد انت حجار انا اكل حجار
    ساف اعلى ساف الروح ابنيها للدار

    زيبك ابجف سكران خويه انا سكران
    مو بالعرك يفلان دكات الاخوان

    صرت انا كلي اعيون وابجي اعلى مبجاك
    والدمع صار افراش واصبيها غطاك

    الدنيا للتهواه مدرع صدرها
    وكت الضحه اوينشاف ويشع بدرها

    غم وكتي غم دنياي غمك نصيبي
    لاصحبه لاخوان ويصوصي جيبي

    من تمشي بت حواء تمشي اعلى الجفون
    يايمه تخزي العين ام سود العيون

    الوطن يوم انباك جن انا مبيوك
    سنبله اشلون اتعيش من دون العروك

    الضاكه منه ايبوك والمارضه ايضوك
    كطرة نده ابصحراء والاف الحلوك

    يل كلت يوم الضيج افزعلك ازحوف
    انهض واطيح اردود وعيونك اتشوف

    ارموشك اشراعين وعيونك الليل
    تتهكز ابممشاك يل جنك اكحيل

    انا الوطن بحشاي متمدد اونام
    دم نكطر انا اوياه من جور الايام

    من چازي للمتنين اركصلك اگوام
    كونك تمر يهواي يوم امن الايام

    الدنيا للتهواه تركصله رداد
    وتعرين المكروه وتلبسه الافراد

    الحلم بس وياك يسوه الحقيقه
    والرعد من عيناك ماخذ بريقه

    من عندي احذرك دوم لاتزعل اوياي
    سنبله اوهرشي اوياك متجاسم الماي

    ليش انت عني اليوم غايب يحباب
    مو تدري يبن الناس تنتظرك احباب

    اهلا وسهلا بيك واكفلك اوكوف
    انظر دليلي اوشوف مايجذب الشوف

    بس انا عمج ليش يمن الله يبليج
    كون بكثر شيبات راسي الله يطيج

    شنهي انت من دولاب دولبني وياه
    بشته الشمس رمحين وبصيفك اشاه

    بثنعش نص الليل جاني المسج هف
    راسا عرفته هوايه جي كلبي رف رف

    يادجله بالعباس راوينه فيضج
    ومن الشمس قاطات يحلالي ليلج

    التمس عن اهوي من يبطي عذرين
    واطفيله موبس عين اطفيله عينين





    مشير السعيدي

      الوقت/التاريخ الآن هو الأربعاء أكتوبر 18, 2017 12:21 am