موقع الشاعر مشير السعيدي

موقع الشاعر مشير السعيدي

شعر شعبي

التبادل الاعلاني

السلام عليكم على بركة الله افتتح منتدانا المتواضع هذانرجو ابداء ارائكم الكريمه لانها تهمنا كثيراالشاعرمشير السعيدي

    دارميات متفرقه

    شاطر

    دارميات متفرقه

    مُساهمة من طرف المشرف العام مشير السعيدي في الأربعاء يونيو 18, 2008 6:22 pm


    دارمــــي
    ـــــــــــــ
    نِجاسَم آنـَه إوياك نِگاط إلنگــــــــــــــــوط
    طـَبع إلوِفـَه إلوافيه بالفِطرَه مَشـــــــــــروط
    ــــــــــــــــــــ
    حَتى إلحِلِم يَحباب شال إبطـَه وِغتــــــــاض
    بالغربَه مَر جيثوم غـَثني إومِشَه إركـــاض
    ـــــــــــــــــــــ
    هَزلـَه إولِزَمَها إلطين هَم بَعَد تِنهَــــــــــض
    فوگ إلهِزَل وِإلطين شوگامَة إتعَــــــــــض
    ــــــــــــــــــــــ
    شِنهي إلدَهَر وِيصير عَثرَه إبطريجـــــــــي
    لاخِر نِفـَس بالروح ما أشِگ زيجـــــــــــي
    ـــــــــــــــــــــــ
    لاخِر نِفـَس بالروح ماگولن آحــــــــاه
    وَنهَض إلمَلچ إلموت وَتلاوَه وَيــــــــــــاه
    ـــــــــــــــــــــ
    تِطلـَگ تِذِب أتوام مِتعَجبَه هَل نـــــــــاس
    أحبَل إبسابـِع يوم وَأطرَح بالنفـــــــــــاس
    ــــــــــــــــــــــــ
    لـَلعِندَه بَت مَگطوع وِإلعِندَه بَتيــــــــــــن
    بَت عِندي بَس إخويط باجـِيَه ثِلثيــــــــن
    ـــــــــــــــــــــــــ
    غـُربَه إوسِگـُم وِفراگ وِإلوَحشَه چيلـَـه
    وِإلوَكِت بَس وَياي وَسَع شِليلـَـــــــــــــه
    ــــــــــــــــــــــــ
    وَسَع شِليلـَه إوياي شو وَكتي يانـــــــاس
    بالظـَهَر فولـَه أرداف وِبگلبي دَگ فاس
    ــــــــــــــــــــ
    أرد أنشِد إلعِشاگ وَأهل إلهَوَه إبهــــــاي
    مِن مِثلي يـِبرَه إهواه لـَتنِگِط إلمــــــــاي
    ــــــــــــــــــــ
    شيل إن تِمُر يَهواي طـَرف إلعَبايَــــــــه
    وِنظِرلي عين إوعين بالوَش نِكايَــــــــه
    ــــــــــــــــــــ
    أوفي إلوَعَد شِيصير حَد مَطرَح إلروح
    سِت شِلَخ بالدَلال لِلماوِفـَه إينــــــــــوح


    يل عينك مرايات بيهن شفتني
    اوبعيوني رسمك دوم غافي اورسمني



    ادنه اعلى صدري اونام وغفه بثناياه
    منته الوحيد اهواه مو ثاني يدناه



    انت الصبح والعيد وانت الفرح دوم
    هاك العمر شوباش بس مرني فد يوم



    كون انكلب ميراج وتعنه لهواي
    واتغازل انا اوياه غصبا على اعداي



    تف اعلى عمري الفات جي لنك ابعيد
    منته الصبح وياك جن هلت العيد



    كون اعلى صدرك يوم اغفه انا ليلي
    جان ارجعت عشرين ونعدل حيلي



    لعيونك اتعناك بس انظر اعليك
    واتغزل برمشين عينك وغفيك


    ارتعش كلي اوياك من تدخل اوياي
    وانعجن
    يم عيناك طينه ابوسط ماي


    مشير السعيدي

      الوقت/التاريخ الآن هو الأربعاء أكتوبر 18, 2017 12:17 am