موقع الشاعر مشير السعيدي

موقع الشاعر مشير السعيدي

شعر شعبي

التبادل الاعلاني

السلام عليكم على بركة الله افتتح منتدانا المتواضع هذانرجو ابداء ارائكم الكريمه لانها تهمنا كثيراالشاعرمشير السعيدي

    الضلع والصراط

    شاطر

    الضلع والصراط

    مُساهمة من طرف المشرف العام مشير السعيدي في السبت مارس 16, 2013 12:06 pm

    الضلع والصراط
    ــــــــــــــــــــــــــ
    لاتِساومني الضلع يعني الصراط
    اويرها بالميزان ضلع ام الحسن
    والصراط ايلين لجدام الشريف
    القاري دينه ايفوت والجَد وامتحن
    والضلع جنحين وتنش بالذنوب
    اوجنة الله الشيعة الزهره وطن
    اشلون اساوم بينك اوبين البتول
    اوضلع منها اعدال كل جنة عدن
    يعني كلها ابمنزلة عرش الاه
    اوعرش الله ابنور گصتها انعجن
    غيرة الله اورحمته اوحلمه اوسخاه
    اگبال هيبتها تِغـَشَن واستحن
    الله خصها اتصير خامس بالكساء
    اويدري تخجل چان وياهم سكن
    سحگ عش الكون وارتعشت سماه
    وانطوه التاريخ تاريخ او صفن
    من توضة فاطمه اوصله الجنين
    فوگ عتبة دارها اودر اللبن
    من تناخه اسلافكم غِل اوجحود
    وامهاتك من دمانه اتمضمضن
    من شهرتوا اسيوفكم ثار لحنين
    اوشيعيتوا الدين عاري ابلا چفن
    بغضا ابحادي الرساله البي نلوذ
    بغضا ابخير العمل صوت السنن
    ابآية التطهير بغضا بالكتاب
    اسيوف اهلكم بالحسين اتيممن
    اوگبل المساوم الي اوياكم حساب
    يلله باهلني اعلى ذني اوعل المظن
    منين ابدي امن الرضيع امن الحسين
    امن الخيام امن الچفوف امن الحسن
    امن الاطفال امن العطاشه امن الاصحاب
    امن الغدير امن السقيفه امن الفتن
    من رقيه امن السفير امن الضلوع
    ابخدر زينب نبتدي اوسبي الظعن
    امن الامام الهامته اطول النجوم
    الماحناها ابيوم باحضان الوثن
    من خزيكم نبتدي اوگطع الرگاب
    من مثلث موتنه الساحة عدن
    الكوفه نفس الكوفه والشط الفرات
    گطب رحه اسلافكم وانتم زمن
    لموا من كل زيج رگعه اعلى العراق
    اوحشموا تونس والجزائر واليمن
    وانا اهد ابسيف عباس الطفوف
    اوخل نشوف الامهات اشجيبن


    مشير السعيدي


























    _________________
    انه الماصَر ضميره أوعَلـَگ الوجدان
    صَر اهموم رَبعَه ابزحمة اكواره

      الوقت/التاريخ الآن هو السبت ديسمبر 16, 2017 8:54 am