موقع الشاعر مشير السعيدي

موقع الشاعر مشير السعيدي

شعر شعبي

التبادل الاعلاني

السلام عليكم على بركة الله افتتح منتدانا المتواضع هذانرجو ابداء ارائكم الكريمه لانها تهمنا كثيراالشاعرمشير السعيدي

    الطف بين الشام والشام

    شاطر

    الطف بين الشام والشام

    مُساهمة من طرف المشرف العام مشير السعيدي في السبت مارس 16, 2013 12:04 pm

    الطف بين الشام والشام
    ــــــــــــــــــ
    ابدمع زينب تيدد بالطف العباس
    اوصله اعلى الشِريعه ابلايه چف وزنود
    أم صرعى الطفوف اواذن اسرافيل
    وجه حسين قبله اوساجد اعلى الجود
    مايترك فرض حاشا الفرض عباس
    فرض سادس وامام اتلث طعش معدود
    اثنعش معصوم سبحة مصطفى الرحمن
    وابن ام البنين الاربعه الشاهود
    ابسوح الوغى امصيت شبل داحي الباب
    ابطروه اسمه الرگاب ابغير طگ تنود
    اتميد الگاع لو شد والمطـَهَم شاط
    من ردست مهرته ايبين الهادود
    هد والغيره تلهي الحلگ عزرايل
    تقبضهم يساره اويمنته الحاصود
    سوه السيف مغزل والارواح اخيوط
    لف بيها الفرات اورد بذانه ايگود
    جابه الباب زينب واستعد بالباب
    حيهم صاحت اخته اودنگ الها الطود
    ها عباس صاحت صاح عد عيناچ
    گولي اوطولي ابشري لو عرش نمرود
    خدرچ ربه اوياي امن الگماط اگماط
    ابهل شارب يزينب والعزم معگود
    ابضلع امچ اوخدرچ والعرش واللوح
    والحج والحرام اومرسل المعبود
    لخلي الطف مناحه ابشفت التاريخ
    شفه تعض ندامه امن الافعال السود

    اوشفه السان يلهج بالحسين اوبيچ
    وافكار التشيع بالوسيعه اتسود
    وخلي الذكرى ثوره اتهز ضمير الكون
    اودمع الشيعه يرسم على الخدود اخدود
    حل وكت الصدگ والصدگ يبغي ازماط
    گرة عين ابوچ وعين اخوچ العود
    علي امن اسنين خطط معركتنه اليوم
    لخوچ الجيش والشط والخدر مسنود
    وانتي أعرف الناس ابشيمة العباس
    ماچد اعلى جاه اعلى العهد چادود
    بخوچ امثال تضرب للوفه اوي الناس
    ماساوم الخوه اولا نقضت اعهود
    ابطف حسين رايه اوراي للاجيال
    والايثار تومي امن المهد معقود
    حلگ الجود صفحه اتسولف اشماصار
    اچفوفي اوسهم عيني اعلى الصراط اشهود
    امام اوابن امام اواخ امام اوزود
    اوخصمي امن المفاخر بارح اوصيهود
    زمجرة السيوف اليوم سهله اتهون
    ساعه اوكلشي يخلص والوطيس ايهود
    اونار الخيم تبرد والجثث تنزار
    اوعلي السجاد يحديها السبايا اتعود
    والتاريخ يكتب والشعر ينعاچ
    وبعاشور ينشد ميت الف رادود
    بس بالشام باچر من بعد چم جيل
    وحدچ بالمزار اومرقدچ مسدود
    مِن يتلگه ضيفچ لو لفه اعلى الباب
    واسماط الضيافه ابمرقدچ ممدود

    وبمرقد رقيه اياذن ابن ازياد
    وابوچ ابعيد منهو العن رقيه ايذود
    امس بالنار حرگوا خيمة السجاد
    باچر بالضريح ايثعول البارود
    واذا گبتچ تطيح اوراس حار الراس
    يعني انچفه الكون اويظهر الموعود

    مشير السعيدي












    _________________
    انه الماصَر ضميره أوعَلـَگ الوجدان
    صَر اهموم رَبعَه ابزحمة اكواره

      الوقت/التاريخ الآن هو السبت ديسمبر 16, 2017 8:53 am