موقع الشاعر مشير السعيدي

موقع الشاعر مشير السعيدي

شعر شعبي

التبادل الاعلاني

السلام عليكم على بركة الله افتتح منتدانا المتواضع هذانرجو ابداء ارائكم الكريمه لانها تهمنا كثيراالشاعرمشير السعيدي

    قل هو الله احد للامام علي عليه السلام

    شاطر

    قل هو الله احد للامام علي عليه السلام

    مُساهمة من طرف المشرف العام مشير السعيدي في الجمعة سبتمبر 14, 2012 12:25 pm

    قل هو الله احد
    ـــــــــــــــــــــ
    قل هو الله احد
    طه خيمتنه وابو تراب العمد
    يعني لومهتز علي ايطيح الستار
    اوبالسقيفه اتأسر الدين اوهمد
    يعني هو الواسطه العرش الاله
    هاي مخصوصه العلي اوبيها انفرد
    گلي ياام الله شگلها الجدار
    اويا ابن حواء بالبيت انولد
    روس ركعها علي ابحد الفقار
    اوهو بس لله ركع راسه سجد
    علي دين الوحده ابخمسة فروض
    امفصل لياسين واولاده المدد
    قطب رحه الكون واسرار الجليل
    قد تشك اوقد تصدگني وقد
    تگلي برهن أي نعم خادم مطيع
    هاك برهاني واخذ هذا السند
    السفينه الطافت ابنوح البحار
    بيها اسم حيدر على اللوحه ورد
    الحوت بلعت يونس اوغاصت بعيد
    شگ حلگها اوطلعه بلحظه اوصعد
    عَمرُ ابن ود جندله اوينعد بالوف
    والسميدع حيدره ابحيدر يعد
    مدده اعلى الگاع واتبختر عليه
    والزلم ميتين ضغط الدم صعد
    انشد ابن العاص يوم الشد عليه
    عض شليله اوكشف الغبره اوشرد
    الغيره مهرة حيدره ابطگ السيوف
    باول اصياره علي اوياها انقعد
    من يزمجر حيدره ابسوح النزال
    يعني لف ارگابهم حبل المسد
    ابيوم خيبر والجمل والنهروان
    بهت ملك الموت ولسانه انعگد
    من يجرد ذوالفقار امن الگراب
    انخطف لون الكون واغتاض اورعد
    انا ماغالي ابعلي العالي اصطفاه
    طلگ الدنيا علي اوجد اووجد
    انا لو احچي سنه ابقنبر اضيع
    ابمدح حيدر ينگطع نفس العدد
    الشيعه مفتونه ابعلي اومرته اوابوه
    والحسن وحسين والعتره اوبعد
    زينب اوعباس والطفل الرضيع
    انذوب بيهم ذوب بالحق والصمد
    الي يرضه ابهاي حيه اوحي نباه
    والمريض ابحقده خل يطحن كبد
    لا ادگون الخشيب يم الحسود
    امحصن الكرار من عين الحسد


    مشير السعيدي







    _________________
    انه الماصَر ضميره أوعَلـَگ الوجدان
    صَر اهموم رَبعَه ابزحمة اكواره

      الوقت/التاريخ الآن هو الإثنين فبراير 19, 2018 11:28 pm