موقع الشاعر مشير السعيدي

موقع الشاعر مشير السعيدي

شعر شعبي

التبادل الاعلاني

السلام عليكم على بركة الله افتتح منتدانا المتواضع هذانرجو ابداء ارائكم الكريمه لانها تهمنا كثيراالشاعرمشير السعيدي

    حوار بين العباس وزينب عليهما السلام

    شاطر

    حوار بين العباس وزينب عليهما السلام

    مُساهمة من طرف المشرف العام مشير السعيدي في السبت ديسمبر 03, 2011 3:47 pm

    حوار بين العقيله والكفيل
    ـــــــــــــــــــــــــــــــــــــــ
    مركب ظيم زينب من يشلها
    اجروحي اخلاف چفك من يشلها
    اچفوف العال بختك من يشلها
    اذا گطعوا اچفوفك آل اميه
    ـــــــــــــــــــــــــــ
    اذا گطعوا اچفوفي اشد منشاد
    لان بگفاي جود الماي منشاد
    اشد شدة علي ابصفين منشاد
    واطوع الخيل والطف والمنيه
    ـــــــــــــــــــــــــ
    اعرفك حيل حيلك حال من حال
    چنت قادر تحلها اوحال من حال
    ادري انت بمرامك حال من حال
    تطش الروس بالطف واهليه
    ـــــــــــــــــــــــــ
    اطش الروس يوم الطف ولاهاب
    اوگيض اگلب شته الباغي ولاهاب
    نذر لحسين ناذرهن ولاهاب
    روحي اوهاي عيني اوذني اديه
    ــــــــــــــــــــــــــــــ
    اخوي انت السحى ارحاها وفلها
    كفو يل جرت الشارب وفلها
    حلها اسرار البصدرك وفلها
    اوذب ثلثين من حملك عليه
    ــــــــــــــــــــــــــــــ
    افا وانا الكفل ظعنچ وراباه
    ونه الحيدر عليه لوله وراباه
    الوفه معدن وانا المعدن وراباه
    حسين ومضرب الامثال بيه
    ــــــــــــــــــــــــــــ
    ثلث تنعام مهيوبه ولاخاف
    ابجالك لاثگل حملي ولاخاف
    انت الماگلت يمكن ولاخاف
    ولاتلفت رگبتك جيد نيه
    ـــــــــــــــــــــــــــــ
    وحگ خدرچ اوقلهو اوالم والناس
    ماهم للبسلها اوشرد والناس
    الوغى بيه اتنومس فخر والناس
    بخشم السيف تديلي التحيه
    ـــــــــــــــــــــــــــــ
    الوغى بيك اتنومس من تطبها
    اطبول الحرب غنة من تطبها
    منته البيك تشفه من تطبها
    منته اطباع سيفك حيدريه
    ــــــــــــــــــــــــــ
    ثلث اثلاث حيدر والمتني
    اتخسه يلي اتعرفني والمتني
    انا العباس انا الخناس غيره اوباس حار الراس
    بي حلفت جميع الناس
    فرد وحده العصتني والمتني
    زينب يوم على الهزل سبيه
    ــــــــــــــــــــــــــــــــــــــ
    مشير السعيدي


    _________________
    انه الماصَر ضميره أوعَلـَگ الوجدان
    صَر اهموم رَبعَه ابزحمة اكواره

      الوقت/التاريخ الآن هو السبت ديسمبر 16, 2017 9:10 am