موقع الشاعر مشير السعيدي

موقع الشاعر مشير السعيدي

شعر شعبي

التبادل الاعلاني

السلام عليكم على بركة الله افتتح منتدانا المتواضع هذانرجو ابداء ارائكم الكريمه لانها تهمنا كثيراالشاعرمشير السعيدي

    احزام الرساله لامير المؤمنين علي عليه السلام

    شاطر

    احزام الرساله لامير المؤمنين علي عليه السلام

    مُساهمة من طرف المشرف العام مشير السعيدي في الثلاثاء نوفمبر 22, 2011 12:16 pm

    احزام الرساله
    ــــــــــــــــــــ
    ايااكبر امن اسمك شرد اسميك
    اوياشاعر يسمي ال طه سماه
    علي سماك احمد يفتخر بيك
    اگيش وين گلي اوياك وياه
    انا العبد الفقير اوملكي چلمات
    واترجه تنال ارضاك وارضاه
    صراط الله اوقسيم الجنه والنار
    اومحمد عن علم واصرار خاواه
    علي قرآن ناطق واحنه خرسان
    التهينا اويالجلاد اوعفنه فحواه
    هبط جبريل شاله اويتم الدين
    لان ربه اشتهاه ابعرشه يقراه
    علي منهج بلاغه اوعلم الاكوان
    اوين الابن ابوه اليقره معناه
    اذا يصعد منابر يخطب اتخاف
    المنابر والتسمعه اتصحيله الله
    علي ارغيف اليتامه ابشحة الزاد
    اوللعريان چسوه ابچلة اشتاه
    علي حامي الحمه اوكشاف الكروب
    علي ايزيح المصايب يوم ننخاه
    اندبه ابشدتي اويحضرني ابو حسين
    اذا انا ابجهنم اصرخ اشاه
    علي صومين صام ابفرض الصيام
    شال افطوربيته السايل اطاه
    علي بالزاد مايدم على الزاد
    خبز شعير يابس وجبة اعشاه
    علي ماگال اخ ابملگه السيوف
    لضلع الزهره صاح احاه واحاه
    علي گاطع مهر وي سجدت الليل
    اوطلگ بالثلاثه ادروب دنياه
    علي ابركن الصلاة اتفيضه الدموع
    يتگاطر خجل لوصله محياه
    علي احزام الرساله ابردت الناس
    وكيل ابليس شاخ اعلينه لولاه
    علي راية محمد بالوغى اتلوح
    ولارايه اتخفگ من يخفگ الواه
    علي اوياسين واحد حتى بالروح
    اولان واحد لذلك الله وَلاه
    الناس اتراب لكن هو ابو تراب
    وفرق بين الاصيل اوبين الاشباه
    علي الدر المنقى اومعدن الناس
    اوچف اشرف اشراف الناس رباه
    علي ابقرص الشمس دگاله بصمات
    اومه ابطرف اصبعه ابفرضه رداه
    علي البفراش طه اتمدد اوبات
    اخو اخيته التماده اوحرك اغطاه
    كاروك السميدع بيت الاحرام
    اوهز جبريل مهده اوطه لولاه
    علي نص الرساله اوحبر الكتاب
    اوعبيطاً يدد المحراب بدماه
    علي الايثار والايثار ابو حسين
    صَدگ يالتكرهه انموت بهواه
    حيدر نور قدسي ابهيئة انسان
    عترته اهدعش كوكب كلهم ارباه
    الشيعي الچان يزحف ماشي لحسين
    لام حسين باچر ينوي ممشاه
    يطوف اعلى البقيع اويلبس احرام
    اسود واليمانع نشوي موتاه


    مشير السعيدي

















    _________________
    انه الماصَر ضميره أوعَلـَگ الوجدان
    صَر اهموم رَبعَه ابزحمة اكواره

      الوقت/التاريخ الآن هو الأربعاء أكتوبر 18, 2017 12:17 am