موقع الشاعر مشير السعيدي

موقع الشاعر مشير السعيدي

شعر شعبي

التبادل الاعلاني

السلام عليكم على بركة الله افتتح منتدانا المتواضع هذانرجو ابداء ارائكم الكريمه لانها تهمنا كثيراالشاعرمشير السعيدي

    ياكربله قصيده منبريه

    شاطر

    ياكربله قصيده منبريه

    مُساهمة من طرف المشرف العام مشير السعيدي في الخميس يناير 27, 2011 1:17 pm

    ياكربله
    ـــــــــــــ
    ياكربله اوياكربله اوياكربله شفنه الهوايل والمصايب والبله
    ضگنا بغريتچ كل هظم صرتي الذبحنا مقصلـــــــــــــه
    &&&&&&&&
    سيل الدمع ياكربله ابطفچ نهر بيچ العجب بيچ الذبح بيچ القهر
    ابسبط النبي ياكربله جار الدهر
    طاحت على الغبره زلم
    شبان واحلى امن النجم
    اشراف وابطال وانعم
    بضيوفهم حيوا هله
    &&&&&&&&
    عاشر محرم كربله اويانه اشجره طاح شبل المرتضى اوخير الوره
    طاح عباس الگمر فوگ الثره
    روس طاحت والچفوف
    كربله ابيوم الطفوف
    والسيوف اتگابلت وي السيوف
    بيچ ابو السجاد بالطف انوله
    &&&&&&&&&

    طاح الچفيل ابكربله اوطاح العلم گطرة حيا العباس بجباه القيم
    دين الجليل ابكربله ابسيف انثلم
    من طاح كافل خدري
    تم معتم اظلم بدري
    ضاگت انفاسي ابصدري
    وانخه ايحضر عقد الوله
    &&&&&&&&&
    ياكربله حسين انوله ابطفچ وحيد ياكربله امصابچ كلف كلش شديد
    يوم عاشركربله ايهد الحديد
    جسام ماشاف الفرح
    عريس بالطف انذبح
    عبد الله عطشان اوسبح
    بالدم سبح طير الفله
    &&&&&&&&
    شحچي اوشعد ياكربله ابيوم الاسر فوگ الهزل للشام يحدينه الشمر
    والروس تبره اوي الظعن شبر ابشبر
    شبحه اعلى ظعن العيله
    طول النهار اوليله
    ويله الفجعنا اوويله
    من يوم اشد امن البله
    &&&&&&&&&

    مشير السعيدي




    _________________
    انه الماصَر ضميره أوعَلـَگ الوجدان
    صَر اهموم رَبعَه ابزحمة اكواره

      الوقت/التاريخ الآن هو الثلاثاء نوفمبر 21, 2017 1:41 pm