موقع الشاعر مشير السعيدي

موقع الشاعر مشير السعيدي

شعر شعبي

التبادل الاعلاني

السلام عليكم على بركة الله افتتح منتدانا المتواضع هذانرجو ابداء ارائكم الكريمه لانها تهمنا كثيراالشاعرمشير السعيدي

    جكليت قصيده غزليه

    شاطر

    جكليت قصيده غزليه

    مُساهمة من طرف المشرف العام مشير السعيدي في الأربعاء ديسمبر 29, 2010 1:43 pm

    جكليت
    ـــــــــــــــــ
    يل جكليت چفك والاصابع هيل
    اگرطك لو اشمك حيرتني اوياك
    طولك خيزران اوشعر راسك ليل
    حرير ابمشتهاته الصورك صاغاك
    وهلالين حاجب چنها عكفت سيف
    حارس يدفع الشر عن سحر عيناك
    ورموشك قصيده اوشفتك ديوان
    تهجيني القصيده اوتحتويني اشفاك
    گلي شلون المك ماتلمك عين
    المك بين اديه او وسط گلبي الگاك
    صوتك صوت غريد ابربيع الشام
    بلبل لو حچيت اشحال صوت اغناك
    شهد يگطر كلامك فوگ سلت تين
    تموزك ربيع اونار يجوي اشتاك
    صوت النده ايندهك لو خذاك النوم
    يتوضه اويصلي اويسجد لمحياك
    سلس طولك رشيق امعدل الهندام
    مشي الحجل دالع ياترف ممشاك
    الك نسمه ابزقاقك من تمر اتفوح
    الورد يصفگ يصيح الله لو شماك
    الف خي عون امك والفرع والبيت
    واكيد امه اندعتله البلعمر يحواك
    حگ انت اليشوفك يقد ست قمصان
    اقد سته اوسترتي كون اطول اوياك
    زليخه اشبيها منك واحنه متعجبين
    صدگ من تشوفك يحتويها ارباك
    قالب فرد واحد طين صب الناس
    وانت بشمع قالب ياترف صَباك
    مو كل تسعه تسعه اتخلف النسوان
    مسلفن ماتغير نفس ريع اصباك
    لذلك انت انت امن المهد للشيب
    للتسعين وانت انت بجمالك ذاك


    مشير السعيدي [/center]








    _________________
    انه الماصَر ضميره أوعَلـَگ الوجدان
    صَر اهموم رَبعَه ابزحمة اكواره

      الوقت/التاريخ الآن هو الخميس أبريل 26, 2018 3:14 pm