موقع الشاعر مشير السعيدي

موقع الشاعر مشير السعيدي

شعر شعبي

التبادل الاعلاني

السلام عليكم على بركة الله افتتح منتدانا المتواضع هذانرجو ابداء ارائكم الكريمه لانها تهمنا كثيراالشاعرمشير السعيدي

    سفير السلام لمسلم ابن عقيل

    شاطر

    سفير السلام لمسلم ابن عقيل

    مُساهمة من طرف المشرف العام مشير السعيدي في الجمعة ديسمبر 10, 2010 10:11 am

    سفير السلام
    ـــــــــــــــــــــــ
    سفير حسين مسلم شرف الكوفه
    طب الها اولگاها اسيوف ملهوفه
    ــــــــــــــــــــ
    ملهوفه السيوف اتلگته اعلى الباب
    وهو من حسين جايب للدعوه اكتاب
    ماظل عضو ابجسمه ابغير ماينصاب
    وين حسين عنه ويحضر ايشوفه
    ــــــــــــــــــ
    وين حسين عن مسلم هذاك اليوم
    يوم استوحدوه ابلا ضمير الگوم
    مسلم من لفاها الموت حوله ايحوم
    سفير حسين گال حسين ماعوفه
    ـــــــــــــــــــــــ
    ماعوف الحسين بامرته اوطوعه
    ثبت والسيف محني اليمنته اوطوعه
    يحز بالروس وتهم النفل طوعه
    خلاهم چسيره الجيش وسيوفه
    ـــــــــــــــــــ
    مسلم من يهد اوينتخي ابحيدر
    چن جيش الفاه ابامرته امسير
    جيش ابن اللعين ابمسلم اتمرمر
    علف للطير خله الجثث مگطوفه
    ــــــــــــــــــ
    حفروله سقيفه اوطاح بيها الحيد
    تولوه ابنذاله العار والرعديد
    لبن ازياد جابوه اوبديه الگيد
    من طگ السيوف امبريده اچتوفه
    ـــــــــــــــــــــ
    سفير حسين يلوي السيف والسياف
    الموت اگبال مسلم يرتعد ويخاف
    الكلفه اشلون واگف بين ادين اجلاف
    وچفوفه التلاوي السيف مچتوفه
    ــــــــــــــــــــ
    وي مسلم الغيره امن الگماط اگماط
    فرش للموت روحه اوللشهاده اسماط
    نبط عرج الهواشم بالاماره اوشاط
    وامرالله سترها اوظلت الكوفه
    ـــــــــــــــــــــــــــــــــــ
    امر الله سترها اوقاصد المعبود
    حتى ايظل صداها اليومك الموعود
    خو مسلم كفوها اوشمر الها ازنود
    تترادم زلمها الهسه مخطوفه
    ـــــــــــــــــــ
    شوف اگبور اميه اوشوف گبر حسين
    اوشوف الباع دينه ولبس ثوب الدين
    ابكل موسم زياره الكربله ماشين
    اوصار حسين كعبه اوشيعته اطوفه
    ـــــــــــــــــــ
    مشير السعيدي




    _________________
    انه الماصَر ضميره أوعَلـَگ الوجدان
    صَر اهموم رَبعَه ابزحمة اكواره

      الوقت/التاريخ الآن هو الأربعاء أكتوبر 18, 2017 12:21 am