موقع الشاعر مشير السعيدي

موقع الشاعر مشير السعيدي

شعر شعبي

التبادل الاعلاني

السلام عليكم على بركة الله افتتح منتدانا المتواضع هذانرجو ابداء ارائكم الكريمه لانها تهمنا كثيراالشاعرمشير السعيدي

    هوسات عامه

    شاطر

    هوسات عامه

    مُساهمة من طرف المشرف العام مشير السعيدي في الأربعاء يونيو 18, 2008 6:00 pm



    هوسات لاهل البيت
    ـــــــــــــــــــــــــــــــ
    الليله ابو السجاد قرر ماينام
    مو يهاب اسيوفها اوضرب السهام
    مبتشر للموت ابن خير الانام
    مجبل ليها حسين الجنه اتعيد باجر
    ـــــــــــــــــــ
    حسين خالد يرضه مايرضه العنيد
    حسين امام اوطاح يوم الطف شهيد
    وكف دمه ابكربله ايلاوي الحديد
    ابجيده اتلوه السيف اوحز السيف ابدمه
    ــــــــــــــــــــ
    وكف يزئر والعيون اتزر شرار
    انه عباس اليغط صيده ابنهار
    طاحت اليمنه اوتلكتها اليسار
    اوعض السيف ابضرسينه اوهد يتبارز
    ــــــــــــــــــ
    اعور عين واعور گلب واعور دين
    بالدم للصلاة اتوضه ابن جبرين
    بينه ايحلم يحضه ابجنه وي حسين
    اودم حسين ابشرياني اشراح اتگل للزهره
    &&&&&&&
    المايعرگ جبينه اشلون اگله استح
    الوعاء امن اللذي تمليه بس ينضح
    والمچلوب اعرفه انچلب من ينبح
    راح اشليها اعليك اچلاب التنبح عدك
    &&&&&&&
    للسستاني ابايع واعلن البيعه
    غير ابن الحسين اعتقد ماطيعه
    ابيع ا لروح لجله اوعهد مابيعه
    نسل الزهره اوحادينا شلون انبيع السيد
    ــــــ
    بينا ابكل چبد ثالوث اوبينا ابكل ضلع بسمار
    اوبينا اجروح تهتك طود فاقت كل جَلِد عمار
    بس بينا الصبر موصوف صبر حسين والانصار
    اومن نغتاض اونِحمِر عين اويانه اليوگف فنه
    &&&&&&
    انمشي عليك جدك هدنه يامولاي
    ناخذ ثار جدك والطفل والماي
    ماينفع شجبنه اولا سدادة راي
    بالعباس انهد الكون التمسَك هدنه اوجرب
    &&&&&&
    گبر جدك وابوك انداس يالمهدي
    ماتطلع تفضها اوهذا الك عهدي
    زنجر سيفي بگرابه يتثلم بده اويصدي
    مرله ابطيف اوشور اعليه اوحشم السيد ينهض
    &&&&&&
    يحار الراس دخن سيدي العباس
    مو فِسدت تراها الناس ماهي الناس
    اذا بيهم شريف ابكتره الف دساس
    احفاد الگطعوا نحرك سلوا هسه اعلينه اسيوف
    &&&&&&&
    العالي اشما تلوحه ايلولحك وطيح
    يالوزنك خفيف اشگابلك للريح
    اشلون اتمد اصبعك بالجمر وتصيح
    تعرف ناري اتگب اعليك اشجابك يم اوجاغي
    ــــــــــــــــــ
    ليركب موج يعرف خطر ركب الموج
    يثبت مايميل اشما يلطه الــــــــــــروج
    من ياجوج تاريخ العراق ايفـــــــــــوج
    امكيش دوم امكيش يضحك للجاري
    &&&&&&
    تِدور ارحَه الوكت تطحَن طَحِن بالناس
    شـَي ماتت بأجلها اوشي نـَدِح بالفاس
    اوشي ابسيف حاكم مِنتِشي اوي الكاس
    اوشي حسين امشور بيه مشـَوِل ظل بالربعَه
    &&&&&&&
    ابشِر ياعراق الذيب فـَر ذيلــــــــــــه
    اونـَخـَه اعليك اليعينه اويجي ايتچيله
    اصبر حيل واثبت بَعَد رك حيلـَه
    أصبَح يتلفت ذيبك ضاگ الماينضاگ


    مشير السعيدي

    ابوعقيل

    عدد الرسائل : 1
    تاريخ التسجيل : 18/11/2012

    رد: هوسات عامه

    مُساهمة من طرف ابوعقيل في الأحد نوفمبر 18, 2012 1:18 pm

    تحياتي لكم وعظم الله اجوركم

    رد: هوسات عامه

    مُساهمة من طرف المشرف العام مشير السعيدي في الأربعاء نوفمبر 21, 2012 4:10 pm

    الاخ ابو عقيل المحترم
    السلام عليكم
    اجوركم اعظم اخي الفاضل


    مشير السعيدي


    _________________
    انه الماصَر ضميره أوعَلـَگ الوجدان
    صَر اهموم رَبعَه ابزحمة اكواره

      الوقت/التاريخ الآن هو السبت ديسمبر 16, 2017 9:08 am