موقع الشاعر مشير السعيدي

موقع الشاعر مشير السعيدي

شعر شعبي

التبادل الاعلاني

السلام عليكم على بركة الله افتتح منتدانا المتواضع هذانرجو ابداء ارائكم الكريمه لانها تهمنا كثيراالشاعرمشير السعيدي

    سوق الشيوخ

    شاطر

    سوق الشيوخ

    مُساهمة من طرف المشرف العام مشير السعيدي في الجمعة أغسطس 06, 2010 2:14 pm

    سوگ الشيوخ

    ــــــــــــــــــــــ

    من سوگ الشيوخ انگال اول بيت

    واول بيت سميناه ابو ذيه

    اومن سوگ الشيوخ الكرم شال شراع

    اوطال ابطول حاتم واطول شويه

    اليكرم بام عراوي ايشيل زاد الضيف

    بواري السوگ شال الضيفه صينيه

    وقف للضيف ويمرحب مظيف السوگ

    بسمله تِفضل هلا ابهل الجيه

    يسر ناظر العاني امفطح اهل السوگ

    اوبيد الضيف تلطش ريحة الليه

    مافز الفرات امشرغد اوي السوگ

    ويغني اعلى يابو ياليل شاطيه

    ياگذلة غوه اتهفي اعلى خد ذ ي قار

    ولو ذ ي قار مثلك صفت منسيه

    ياسوگ الشيوخ اشكثر عندي اعتاب

    مو وياك وي الما ابگلبه اعليك حنيه
    لاذوا بيك عش امن الحيايه السود



    هسه اصگور صارولي اللحيميه

    من بان الزغب والريش د‍چ بالناس

    مكروها صفيت او جابت ابنيه

    حشمت الگصب ناطور تالي الليل

    حيهم من تصيح الهور گب عيه

    طوع امرك نخيلك ينحني امن اتضيج

    السعف ينفش شعفته اويكسر ابفيه

    الياكل ليش زادك ينگلب بكان

    ويطعنك غدر بگفاك شبريه

    مش بردانه بوزه ونبش سنه ابعود

    وتنحه اعلى صفحه اوگال شعليه

    والانكه ايتلمظ مثل حية بيت

    الضحه كشاخ وهديب الافنديه

    اوبس اتغيب شمسك لبس ثوب الليل

    اوصف علاس بذيول الحراميه

    ثارد للعچس مبخوت وي بليس

    اوحليبه شنان راضع صدر شاذيه

    من ملحة اميتك صرنه مملوحين

    اوتعرگلك ملح كل گصه مستحيه

    اودگينه ابجبين الماخجل عنوان

    خالي الملح ماصخ ميه بالميه





    مشير السعيدي


    _________________
    انه الماصَر ضميره أوعَلـَگ الوجدان
    صَر اهموم رَبعَه ابزحمة اكواره

    قصيدة سوگ الشيوخ بصوت فالح الدراجي

    مُساهمة من طرف المشرف العام مشير السعيدي في الجمعة أبريل 01, 2011 11:26 am



    _________________
    انه الماصَر ضميره أوعَلـَگ الوجدان
    صَر اهموم رَبعَه ابزحمة اكواره

      الوقت/التاريخ الآن هو السبت ديسمبر 16, 2017 8:51 am