موقع الشاعر مشير السعيدي

موقع الشاعر مشير السعيدي

شعر شعبي

التبادل الاعلاني

السلام عليكم على بركة الله افتتح منتدانا المتواضع هذانرجو ابداء ارائكم الكريمه لانها تهمنا كثيراالشاعرمشير السعيدي

    سيد الدارين لمولد الامام الحسن المجتبى

    شاطر

    سيد الدارين لمولد الامام الحسن المجتبى

    مُساهمة من طرف المشرف العام مشير السعيدي في الجمعة أغسطس 06, 2010 12:44 pm

    سيد الدارين
    ـــــــــــــــــــ
    ميلاده عزتنه الحسن هيبتنه
    الليله فرحتنه بالمهد فطرتنه
    ـــــــــــــــــ
    طرگ يليل احزانك هل الحسن بوذانك يزهي ابتمامه
    ياجود طول اردانك هل اليهد اعنانك راعي اليتامه
    شبر يعظم شانك مني استلم برهانك ضنوة عمامه

    شيعتنه شيعتنه للحسن بيعتنه
    ـــــــــــــــــــــــ
    حب الحسن جيني يسري ابشراييني سادس فريضه
    ساكن جفن عيني منه استلم ديني ماحب نقيضه
    وينك يعاذل ويني سيف الحسن وحسيني يرهب وميضه

    تسلم ارادتنه والقاده يمتنه
    ــــــــــــــــــ
    سبط النبي المختار ضنوة علي الكرار وابن الزچيه
    والعم اسد طيار اكرم ونعم الكار كار الشفيه
    منوه اللفوا خطار حامي اليلوذ اوجار دره اونقيه

    بالحسن وردتنه زوگنه غيرتنه
    ـــــــــــــــــ
    منه الگمر ثلثين ماخذ ينور العين يضوي ابجماله
    سيف اوسند للدين ماخذها من جدين واشرف سلاله
    سيد على الدارين هو اوعضيده حسين بامر الجلاله

    ماتطفه شمعتنه والحسن گمرتنه
    ـــــــــــــــــــ
    يوم القيامه اسناد لو دگ ملك تعداد شبر هويه
    فزنا ابحماه اوكاد رغما على الماراد راعي الحميه
    اسمع يناصب عاد بسك دجل وعناد اقره الوصيه

    اسمع نصيحتنه افهم عقيدتنه
    ـــــــــــــــــــ
    ليلة گدر هل اليوم بيها انولد معصوم والحق سبيله
    باسم العلي القيوم سندس لبسنه اهدوم كلش جميله
    طلگنه لذ النوم نفطر عليه ونصوم شبر وسيله

    شبر وسيلتنه موشومه گصتنه
    ـــــــــــــــــ


    مشير السعيدي


    _________________
    انه الماصَر ضميره أوعَلـَگ الوجدان
    صَر اهموم رَبعَه ابزحمة اكواره

      الوقت/التاريخ الآن هو الثلاثاء نوفمبر 21, 2017 1:43 pm