موقع الشاعر مشير السعيدي

موقع الشاعر مشير السعيدي

شعر شعبي

التبادل الاعلاني

السلام عليكم على بركة الله افتتح منتدانا المتواضع هذانرجو ابداء ارائكم الكريمه لانها تهمنا كثيراالشاعرمشير السعيدي

    لابطال كرة القدم

    شاطر

    لابطال كرة القدم

    مُساهمة من طرف المشرف العام مشير السعيدي في الجمعة أغسطس 06, 2010 9:24 am

    العب العب
    ــــــــــــــــ
    العب العب بالملاعب
    يالعراقي دوم غالب
    صول بالساحات وحدك
    بالملاعب عيد مجدك
    للعراق اعليك واجب
    ـــــــــــــــ
    شعبك المجروح فرحه
    باللعب ضمدله جرحه
    اعيونه اهلنه اعليك شبحه
    الغيره سيفك بيها حارب
    ـــــــــــــ
    اهدعش رگعه اليوم صلوا
    شيلوا اديكم لله وادعوا
    منتخبنا ايجيب گول
    وحده بالملعب يصول
    الفوز عنه اسنين غايب
    ــــــــــــــــ


    الملاعب
    ـــــــــــــــــ
    عين الوطن ليكم يالولِد شبحه
    ينزف من يضمده اويعتني ابجرحه
    مهموم العراق اويدي جرحه اسنين
    زفوله ابلعبكم يالولِد فرحـــــــــــــه
    توضه ابماي دجله اوسبحلكم ليل
    اوصله اهدعش ركعه اشما يطر صبحه
    لن انتم فريق اهدعش نجمه ابليل
    اونتم يهدعش خرزاته بالسبحــــــه
    خسر كلشي العراق اوراسه ظل مرفوع
    بيكم ياشباله المنفعه اوربحـــــــــه
    معروف العراقي ابطگ سراگي الماو
    بالغيره اوشهامه اولاده متسلحــــه
    يشراف اوطبعكم طبع ملح الگاع
    اوطينتكم نظيفه اوطاهره اوصلحه
    صوت امك ندهلك والوطن ينخاك
    عرگه الوطن يبني اوبالوجه نضحه
    غزر ماي دجله اوغسل وجه الگاع
    بيكم والفرات امغزر ابملحـــــــــه


    مشير السعيدي

    طيور شلوه
    ـــــــــــــــ
    احنه طيور شلوه اوصگر فوگ الحوم
    عگازه اوعلينه الرگد حيله ايگوم
    احنه البلملاعب كل لعبنه انفوز
    واحنه الماعرفنه ابليل طعم النـــوم
    احنه اولاد دجله اودهلت المشخاب
    يلا اعلى الملاعب خل نشوف اليوم
    جرح الوطن يدي اوجينه نتحداك
    واحنه اجروح تضحك والجرح ملچوم
    احنه انصوم مره اوشهر للرحمن
    بس اعلى العراق اهدعش مره انصوم
    منهو اوي العراق ايطول لو شد حيل
    بيرغ من يلوحه امعلگاته انجــــوم
    صرفن للملاعب زندك اتحداك
    بيه ايبيچ سيفك لو يرد مثــــــــــلوم





    مشير السعيدي


    _________________
    انه الماصَر ضميره أوعَلـَگ الوجدان
    صَر اهموم رَبعَه ابزحمة اكواره

      الوقت/التاريخ الآن هو الأربعاء أكتوبر 18, 2017 12:18 am