موقع الشاعر مشير السعيدي

موقع الشاعر مشير السعيدي

شعر شعبي

التبادل الاعلاني

السلام عليكم على بركة الله افتتح منتدانا المتواضع هذانرجو ابداء ارائكم الكريمه لانها تهمنا كثيراالشاعرمشير السعيدي

    كاسرتك

    شاطر

    كاسرتك

    مُساهمة من طرف المشرف العام مشير السعيدي في الخميس أغسطس 05, 2010 12:19 pm

    كاسرتك
    ــــــــــــــ

    كاسرتك عمر ناشف ولا نتاگ
    وي اسنين عمري اوثيعت بيه
    ثاريَك ولاتسواش صم اتراب
    دمع تمساح تبچي اوگرصتك حيه
    ورجتك عليه اوبين اديك اكتاب
    تقراني اوتورج الوادم اعليـــه
    لوليتك بديه اوليل يرضع الليل
    تكبر يوم وازغر بيك يوميـــــه
    انعثل بيك ومبريد نحيل الحيل
    بالصحره اوتگطع ليش رجليـه
    انت العين كتلك من يرك الشوف
    تفكسها اعلى شنهي الچانت اربيه
    اهمس چنت باذنك لو حچيت اوياك
    حدر اذنك امعلگ شفتي ترچيــــه
    اجلد روحي لجلك جلدت السجان
    وانت اوياي تجلدني اعلى مابيه
    موذنبك يغاتي الصوج باليهواك
    يفطر للصيام ابعظم جريه
    غشاني التهكز والحچي المعسول
    جول اتجول مشيك لعب چوبيه
    تتطوه اومشيتك مشية الغرنوج
    اومن توگف اتصير ابعيني ملويه
    ثاري اخشاله كلك معدنك فافون
    ماينظف ضميرك خابط النيه
    اشگف بيدي عنك طعنت العادوك
    وانت ابظهري طاعن الف شبريه
    ابنهر تيزاب لوغطك فلا يجليك
    اسكت والسوالف خلها مطويه
    ماابريك ذمه ليوم يوم الدين
    وانا ابشين فعلك ذمتي مبريه





    مشير السعيدي


    _________________
    انه الماصَر ضميره أوعَلـَگ الوجدان
    صَر اهموم رَبعَه ابزحمة اكواره

      الوقت/التاريخ الآن هو السبت ديسمبر 16, 2017 8:56 am