موقع الشاعر مشير السعيدي

موقع الشاعر مشير السعيدي

شعر شعبي

التبادل الاعلاني

السلام عليكم على بركة الله افتتح منتدانا المتواضع هذانرجو ابداء ارائكم الكريمه لانها تهمنا كثيراالشاعرمشير السعيدي

    ذ ي قار المنسيه

    شاطر

    ذ ي قار المنسيه

    مُساهمة من طرف المشرف العام مشير السعيدي في الثلاثاء أغسطس 03, 2010 7:04 pm


    ذي قار المنسيه
    ــــــــــــــــــــــــ
    منسيه ابركن يذكرها بس الموت
    ولابالعيد ذكروها ابسِمَل جـِســــــوَه
    شجاها الناس نزعت ثوب عزها ابساع
    مو جانت مَلاذ ابظـَلمَــة النـَــــــــوَه
    مِن صاح العراق اشاه ياذي قار
    شـَب سَعفِج مِواكِد والزلِم نـَخــــــــوَه
    اوفرشتي ارواح سجاده ابطريج الموت
    من اقصى اليسار اونخبة الدعــــــــــوَه
    عِمَت عين الكراسي التِنسَه دم ذي قار
    واهلها ابطـَعَم دَمهم حِمسوا الكهـــوَه
    نِذرتي اسنين عُمرج لِلوَطن شوباش
    جَف ابزمر تفكـَه اوجف كِتـَب غِنـوَه
    يـِصي الكون لوطك الفشـَك بالهور
    مَلك الموت يطلب مِن تِصِك عَطـــوَه
    زِلِم وكت الزماط ابطـَروَه اسمها اتنام
    أشو هَسَه ابذكرها الزلِم تِتلـَـــــــــــــوَه
    رضعَة سهرَة اولولـَة حِظِن لِلكاع
    مارادت يـِزَه اولاطلبَت الكــــــــــروَه
    شـَح نهر الفرات اوفاض دم ذي قار
    يـِبخ نار العراق اوهي تِتجَــــــــــــــوَه
    فوك الشوج رسمَت لِلنِظال ادروب
    اوهَل الكمَر منها اولِلخـَلـَك ضـَـــــــــوَه
    أمِس تِشهّد شرارة واحد اوتسعين
    دِسنا الموت مَكبَل مِن كبَل عَنــــــــــوَه
    وكف دمنا خِناجـِر شَك صِهيل الموت
    مِن ذي قار فـَزَت لـَحظه الصحـــــــــوَه
    غـُبَشنا اوذان نصرخ والصلاة اركاض
    مِثل ركضـَت حجيج البيت بالمـــــــروَه
    مِثل ام الوِلـَد ثـَجلـَه اوحملها امجيد
    مبتـَليَه ابعمرها ابهَل وطن بَلــــــــــــــوَه
    شو حَل الوفـَه وين الوفه ياناس
    بره اوكِش صُفـَت ذي قارنـَه اوعجـــــوَه
    لـَبن عَمها الدَخـَل مِفلِس ولاقيراط
    واهو امشَرِع دَخلها الكِل ابن حَـــــــــــــوَه
    ثـَلث انهار بيها اوهور والامطار
    واهي تصرخ عِطَش يلمامِش امـــــــــرِوَه
    اونهر رابع دمانه الوضت بيها الكاع
    واجساد الشباب اعلى الوطن فــــــــــــروَه
    المايهتز ضميره اولايرد معروف
    ماتكدَر تندها اعلى الشـَرَف كِـــــــــــــوَه
    تِنـَكَر مال حاضِر لِلملِح والزاد
    اودَك انكر ابميزه اوعرَت ابعـــــــــروَه
    خان اجغان ظنها اوظن يـِعَمِر دوم
    مايدري الوكت ناعور صارت لِلشَعَب سَطوَه


    مشير السعيدي


    _________________
    انه الماصَر ضميره أوعَلـَگ الوجدان
    صَر اهموم رَبعَه ابزحمة اكواره

    رد: ذ ي قار المنسيه

    مُساهمة من طرف المشرف العام مشير السعيدي في الأحد أبريل 17, 2011 10:11 am



    _________________
    انه الماصَر ضميره أوعَلـَگ الوجدان
    صَر اهموم رَبعَه ابزحمة اكواره

      الوقت/التاريخ الآن هو السبت ديسمبر 16, 2017 8:51 am