موقع الشاعر مشير السعيدي

موقع الشاعر مشير السعيدي

شعر شعبي

التبادل الاعلاني

السلام عليكم على بركة الله افتتح منتدانا المتواضع هذانرجو ابداء ارائكم الكريمه لانها تهمنا كثيراالشاعرمشير السعيدي

    سر الخلود للشهيد الصدر الاول

    شاطر

    سر الخلود للشهيد الصدر الاول

    مُساهمة من طرف المشرف العام مشير السعيدي في الأحد أبريل 18, 2010 3:53 pm



    ]سر الخلود



    ــــــــــــــــــــــــ

    دايخ دوم اسولف سر خلودك ليش

    اوليش الناس كلها ابسيرتك ترتاح

    ماكو اثنين بيك اختلفوا ابمعناك

    موسر يابو جعفر معدنك وضاح

    گلبت الصحف والكتب والتاريخ

    قليله افذاذ خلدت بس چثير الطاح

    شفت حسين كعبه اطوف بيه حجاج

    اوشفتك سيف يتشلبه ابنحر ذباح

    عاد ايقن ضميري ابيوم تسعه ابريل

    الله اختارك انت الهل العصرمفتاح

    نعم انت امتداد المنهج اهل البيت

    ملاح السفينه ونعم من ملاح

    صدى اللاء الحسين اورددتها اللاء

    گلنالك نعم لمن ضميرك صاح

    شال اسلاح طاغيت العصر عل الدين

    اونحرك نفض دمه اعلى الطغاة اسلاح

    ثوب العار لفه اولاگ طول ابطول

    وانت اتلوگ تاج اوعل الصدور اوشاح

    صنم وانهار واتلاشه ابحفر عربيد

    وانت الله اصطفاك الكل شهيد اجناح

    من طاح العراق اوعاث بارضه ابليس

    طگ عرج الهواشم للوطن نضاح

    دلو الغيره منك سگه الغيره البيك

    عرگة دم جبينك من جبينك فاح

    الغيره البيك ديم اونبعك العباس

    وحسين الحرثها اوحيدر الفلاح

    عزرائيل وذن بالنجف للموت

    اديت الصلاة اوسبحتله ارواح

    هنياءً للعراق وهني الشعبك بيك

    طحت الفجر لجله اوفجر نورك لاح

    انگشع وجه الظلام اوبان خيط النور

    لكن ياحسافه التحدي بينا اشباح

    تندهنه المصايب واليفز مرعوب

    بينا ايحلي ريجه الموت كل مصباح

    شمرنه السواعد وانتخبنه الزين

    لنه اوي الذبحنا الزين يضرب راح

    يشرب نخب دمنه ابكل صلافة عين

    يلهط ليله كله اشلون يجني ارباح

    ماذر باللسان ايحوس هاي ابذيچ

    بالمذهب گليط اوبالفعل سفاح

    اكاديمي اوسياسي اوخاتم التنزيل

    ومزور الشهاده ابشارع الفلاح

    مستشري الفساد ابكل محطه ايصيح

    اوهو اكبر حرامي اومرتشي اولفاح

    ياقيوم ياحي ياصمد ياغوث

    سبع اسنين صيهود ابعمرنا اصحاح

    فوگ اسنين لوعه امن الحصار الفات

    ناكل شهر حصه اوشهر يگضي اصياح

    طلگنا السياسه انريد بس انعيش

    ايسنا اواملنا المنتظر ياصاح





    مشير السعيدي














































    _________________
    انه الماصَر ضميره أوعَلـَگ الوجدان
    صَر اهموم رَبعَه ابزحمة اكواره

      الوقت/التاريخ الآن هو الثلاثاء نوفمبر 21, 2017 1:41 pm