موقع الشاعر مشير السعيدي

موقع الشاعر مشير السعيدي

شعر شعبي

التبادل الاعلاني

السلام عليكم على بركة الله افتتح منتدانا المتواضع هذانرجو ابداء ارائكم الكريمه لانها تهمنا كثيراالشاعرمشير السعيدي

    قصيدة راية العباس لميلاد الامام العباس عليه السلام

    شاطر

    قصيدة راية العباس لميلاد الامام العباس عليه السلام

    مُساهمة من طرف المشرف العام مشير السعيدي في الجمعة يونيو 26, 2009 7:43 pm


    راية العباس
    ـــــــــــــــــــــ
    راية العباس رف ساريها
    طه اساسها اوعلي امعليها
    ـــــــــــــ
    حيدر ابشعبان سلم رايته
    لخو اخيته اوتفتخر من نگلته
    كربله اتسولف لهسه ابغيرته
    والطفوف اينومسك طاريها
    ـــــــــــــــــ

    من ضميرك تهتز ابطاري الطفوف

    بيه تطوف اسيوف فوگ امن السيوف
    اوبيه تطيح اعلى النهر اشرف چفوف
    اچفوف ربك بالمجد غاطيها
    ــــــــــــــــــ
    اچفوف قبلها الصميدع بالمهد
    راعي طفك صاح يحسين انولد
    هذا منه ابكربله اتصيح المدد
    هذا لو صال الارض يطويها
    ــــــــــــــــــــ
    بي وصيتي اوبيك وصيت الچفيل
    احزام ظهرك هذا رداد اليعيل
    من يطيح اتشيله ولحملك يشيل
    هذا روحه لخوتك يفديها
    ـــــــــــــــــــ
    اودار عينه اعلى العقيله اوگالها
    ابجال اخوچ اطاولي اعلى اطوالها
    اليمنه يجلبها ابثنايا اشمالها
    من يكفلچ شرغدي ايوفيها
    ـــــــــــــــــــــ
    من يكفلچ شرغدي اونامي بامان
    اوخدرچ ابعباس يازينب مصان
    الغيره والعباس معقودة قران
    حيد من يزعل شمس يچويها
    ــــــــــــــــــ
    آه زينب شهگت ابحسره اوالم
    اوشافت بعينه صور حرگ الخيم
    گطع اگماطه اوتنهد واحتدم
    بهذا چفي اشما تهد الويها
    ــــــــــــــــــ
    لوح ابچفه اوتلفت عل الحسين
    ابذني گال افديك يبن الخيرتين
    باس چفه اوباسه فوگ الوجنتين
    حي گله اعلى الجهاد انويها
    ـــــــــــــــــــــــــــ



    مشير السعيدي


    _________________
    انه الماصَر ضميره أوعَلـَگ الوجدان
    صَر اهموم رَبعَه ابزحمة اكواره

      الوقت/التاريخ الآن هو الثلاثاء نوفمبر 21, 2017 1:42 pm