موقع الشاعر مشير السعيدي

موقع الشاعر مشير السعيدي

شعر شعبي

التبادل الاعلاني

السلام عليكم على بركة الله افتتح منتدانا المتواضع هذانرجو ابداء ارائكم الكريمه لانها تهمنا كثيراالشاعرمشير السعيدي

    قصيده منبريه للسيده رقيه عليها السلام

    شاطر

    قصيده منبريه للسيده رقيه عليها السلام

    مُساهمة من طرف المشرف العام مشير السعيدي في الجمعة يونيو 26, 2009 7:28 pm


    السيده رقيه
    ـــــــــــــــــــــ
    بويه العمر ثلث سنين ماكَمِلـَن بويه حسين
    عايفني يالغالي اشلون واعداك بيه ايشمتون
    رادوا يحرفون الدين
    &&&&&&&&
    بويه اشتكي امن الحادي بالسوط يَبَس ظهري
    يشتمني بويه ابكل صَلـَف وادموعي دم من تجري
    فت گلبي يوم ارحيلك والحسره عله ابصدري
    وينك يعباس الوفي بينا اليضدك مشتفي
    باصرني عمي ابموقفي للشام باجر ننفي
    وانت الكفل ظعن حسين اسره الفواطم ماشين
    &&&&&&&&
    يحسين ضعنك من سَره راسك حده ويبره الظعن
    والليل لو چل بالدرب عيناك شمسين او ضوون
    شبحه اوتدور اعلى الحرم شيمه اوشرف يتجادحن
    لمن طحت فوگ الثره وگفت هِزلها امحيره
    محد عرف شنهي الجره راسك نطق من منحره
    عفتوا اليتيمه اوماشين هاي الشفيعه اوي حسين
    &&&&&&&&&
    بالرمح راسك يحسين والغيره من فوگه اتلوح
    ماچنه راس ابلا جسد كامل نشوفه او بيه روح
    حارس يطوف اعلى الظعن فارس وغى ايصول السوح
    منك زلمها ترتعد وتهاب كلها اوتستعد
    بالغيره وحدك منفرد مذبوح بويه وتنحسد
    لو حي گلبت الصوبين فوگ البغوا بويه حسين
    &&&&&&&&&
    ياحال حال العايله يوم الظعن طب للشام
    گالوا خوارج عيلتك رفضوا رسول الاسلام
    والتمت اعلينه الخلگ والعدنه چانوا خِدام
    اولاچَنه عترة فاطمه اولا جدنا حماي الحمه
    سوده ابوجهم والعمه كل العلينه ناقمه
    بينا ثبت ركن الدين واحنه الربحنا الدارين
    &&&&&&&&&&&
    هدني التعب بويه اونمت شفتك يضي اعيوني
    شابگني بويه اومبتشر انت اوهلي اتحيوني
    فزيت من عز نومتي خاب الحلم واظنوني
    ياعمه وين الوالي جابولي راس الغالي
    شفته اوفطر دلالي راسك صبح چتالي
    يمك غمض شوف العين هاي انه جيتك يحسين




    مشير السعيدي


    _________________
    انه الماصَر ضميره أوعَلـَگ الوجدان
    صَر اهموم رَبعَه ابزحمة اكواره

      الوقت/التاريخ الآن هو الإثنين فبراير 19, 2018 11:29 pm