موقع الشاعر مشير السعيدي

موقع الشاعر مشير السعيدي

شعر شعبي

التبادل الاعلاني

السلام عليكم على بركة الله افتتح منتدانا المتواضع هذانرجو ابداء ارائكم الكريمه لانها تهمنا كثيراالشاعرمشير السعيدي

    قصيده للامام السجاد عليه السلام

    شاطر

    قصيده للامام السجاد عليه السلام

    مُساهمة من طرف المشرف العام مشير السعيدي في الجمعة يونيو 26, 2009 7:23 pm


    الامام السجاد
    ــــــــــــــــــــــ
    اطلگ والقصيده اتحشم اكتبني
    بس امن المكابر ماكفاك اعنـــــاد
    وانهالت عليه امن القوافي اشكال
    اوصار القلم بيدي اوشد بصبعي اشداد
    سحب ورقه القلم واتناوش اول بيت
    لنه الحاله يكتب ياعلي السجـــــــــاد
    اذا قلمي الجماد الحاله يكتب بيك
    اشتحچي امن ارد اسولف سيدي الحساد
    ابوك حسين بضعة فاطمه الزهراء
    اوساقي الحوض جدك من يجي الميعاد
    وانت الله اصطفاك اتكون وجه الدين
    من جرحت اميه الدين صرت اضمــاد
    ابظلام الليل تچسي الگصت بي دنياه
    والفقره ابرحيلك للقيامه احـــــــــداد
    مَحَد مر عليها اوجاد بالموجود
    وانت اوي الفقير اتناصفون الزاد
    وانت المالفضت اللاء لا هيهات
    لائك من تصلي اتكولها استشهاد
    الك عصمه اوامامه اوزهد للرحمن
    زين العابدين اوسيد الزهاد
    صبر الانبياء انشوف صبر البيك
    واگف للطغات ابكل فعل مرصاد
    أسر زينب ثجيل اشعظم صبر البيك
    من بالشام طبت مجلس الاوغـاد
    راد ايصيد حلمك من شتمها ايزيد
    حليم اتصيد رباصك ولاتنصـــاد
    علمك نهج ثابت للقيامه ايلوح
    اوكل شيعي اوي نهجك للعدل ينگاد
    حبك بالگماط اويانه شب اوشاب
    ويندبك طفلنا ابهزت الامهـــــــــــــاد
    وانت المايحبك يبره منه الدين
    ابسعير النار حقده اوي الحطب وگـاد
    وانا الشيعي الموالي اوعمري هايم بيك
    مازل عن هيامك لاخر النگــاد
    بالطف ياغيور الغيره فارت بيك
    بس حسين رادك للرساله اسنــــــاد
    يعرف من تصول اتهد جموع الجيش
    اومنك جيش اميه ايضيع المشــــراد
    اومايلحگ لسيفك حتى ملك الموت
    الحِصاد الروس مايلحگ الف عداد
    لاچنك بقيت الله بارض الدين
    ربك راد نسل حسين تبقه اوتـــــــاد
    بس الغوه الدنيا اتحير ابممشاه
    عمت عينه والهك ذرها صم ارمــاد


    مشير السعيدي


    _________________
    انه الماصَر ضميره أوعَلـَگ الوجدان
    صَر اهموم رَبعَه ابزحمة اكواره

      الوقت/التاريخ الآن هو الثلاثاء نوفمبر 21, 2017 1:38 pm