موقع الشاعر مشير السعيدي

موقع الشاعر مشير السعيدي

شعر شعبي

التبادل الاعلاني

السلام عليكم على بركة الله افتتح منتدانا المتواضع هذانرجو ابداء ارائكم الكريمه لانها تهمنا كثيراالشاعرمشير السعيدي

    غت ( من طف زينب )

    شاطر

    غت ( من طف زينب )

    مُساهمة من طرف المشرف العام مشير السعيدي في الأحد فبراير 22, 2009 4:54 pm


    [size=21]غت ( من طف زينب )

    ـــــــــ
    غت والضحه امخنفس والسلم مبخوت
    اطبول الحرب صهلت والدرگ غنت
    ومزايگ زلمها اوخيل تنحر خيل
    وخشوم السيوف ابكربله احتدت
    واسهام المنايه اتخطف موت اوخوف
    عز الگيض دم ابلا سحب مطرت
    وبسوح النزال الارض بيك اتميد
    گاع الطف زلم يوم الطبگ حبلت
    اهنا چومة جثث وهناك عچلة روس
    اهنا ثجله ابضناها ابلا وليها امست
    اهنا مجمع يتامه اوتخذف من الخوف
    اونارالسن سناها امن الخيم وجت
    هاي اوذر رميه اودوب تسمع اه
    اوخيل اعلى الصدور ابلا وجل كدت
    شي اتصيح حيهم شي خذلها الصوت
    شي وكحه اوگصصها ابلا نضح وشلت
    شي لبيك تصرخ شي عطاشه اتصيح
    شي تسلب الموته اوشي غفل نست
    برزخ حل عليهم والصراط حسين
    اليرها ايفوت ممن واليخف ينعت
    صف حسين صار الهم وگه امن النار
    واذناب الخيانه امن اللضى اتوگت
    اومن بين الصخب والخوف والاهات
    خمس اشموس چنها امن الخيم بزغت
    يحديها الصميدع والحسن تچاي
    اولن جبريل صاح ام الخدر طلعت
    صوت امن المعسكر صرخ فيوا الجيش
    فـَي الجيش صف اوصف خـَجل ركعت
    صف اصطف واخذ تعظيم للحوراء
    اوصف الموتى لبست روس واصطفت
    كل نگلة جدم وذن فرض جبريل
    الگاع اتگوم حاشا ام الخدر سجدت
    صاح احسين زينب ها يزينب وين
    بعد اختك تكله الروح الك حنت
    وصلت يم اخوها اوماخفاك الصار
    توضت من دمعها اوعل النحر صلت
    صاحت صوت ربي اتقبل القربان
    اوشبگت نحر اخوها اوشمته اونشغت
    اولن صوت ايهمس سمعت باذان حسين
    السبعه اوي الزچيه احداد الك حدت
    لبست ثوب الاسود عاشر ابعاشور
    اوثلمه ادموع زينب بالعرش ثلمت
    فك حسين عينه اوغورگت بدماه
    ابدمه اودمع زينب لحيته اتحنت
    ابضلع الزهره زينب حلفاها حسين
    ردي الخيل يختي اعلى الخيم هدت
    امتثلت لامراخوها اوتومي صوب الخيل
    تندب وين حيدر شدتي اشتدت
    عين اعلى الحسين اوذبل بيها الشوف
    اوعين اعلى الچفلها امشرعبه اوشبحت
    وصلت يم سندها اوحيا بيها اوگام
    يسندها اوتسنده اوتچته اوگعدت
    صد الها اوتصدله اوعين تقره ابعين
    ذبلت عين زينب واستحت واذوت
    عاد ايقن بزينب هد گواها العيب
    الثگل العيب حره ام الخدر ونت
    هول الخدر طف اوهول طف حسين
    زينب سيف وگفت والزلم نخت
    هذا الفصل الاول يوم طف عاشور
    وبكل عام اخبرك فصل يوم الغت


    مشير السعيدي










    [/size]



    _________________
    انه الماصَر ضميره أوعَلـَگ الوجدان
    صَر اهموم رَبعَه ابزحمة اكواره

      الوقت/التاريخ الآن هو الأربعاء أكتوبر 18, 2017 12:19 am