موقع الشاعر مشير السعيدي

موقع الشاعر مشير السعيدي

شعر شعبي

التبادل الاعلاني

السلام عليكم على بركة الله افتتح منتدانا المتواضع هذانرجو ابداء ارائكم الكريمه لانها تهمنا كثيراالشاعرمشير السعيدي

    اهابك ( قصيده للامام الحسين عليه السلام )

    شاطر

    اهابك ( قصيده للامام الحسين عليه السلام )

    مُساهمة من طرف المشرف العام مشير السعيدي في الأحد فبراير 22, 2009 4:50 pm

    اهابك
    ـــــــــــــــــــــــ
    اهابك مااهابك خوف
    اهابك چي اعرفك زين ياهو انته
    يافحوه الرساله اونِضِح وجه الدين
    وگف طفك صواري اوشال لافته
    يل بگفاك تسجد شمس رب الكون
    والمغرب ضواها اعليك فاطمته
    مره السيف يخرس من تصگره ارگاب
    اومرات اتخورس زلم من صمته
    بس دم الحسين ابكل عصر مهوال
    سولف بالطفوف اوفزز السكته
    اوسولف من تخيل صهوة التاريخ
    ابخشم السيف شامخ يحچي سالفته
    الف اوزود يحچي اويفرض المعروف
    والاف العروش اتلاشت ابعتــه
    اسمع ماشفت خيال شاهر سيف
    اوشفت السيف يم دمك گرض شفته
    توضه الدين بيك اوصله خمس افروض
    اومن دم االرضيع الدين يممتــــه
    عين ابعين صليت اعلى مد الشوف
    ابحيي اعلى الصلاة الميت فززته
    شت بالدين نسل الحاقد اعلى الدين
    رسن دمك شمرته اوللدرب جبته
    وذن هبل بالطف وانغوه الخوان
    كف سود الضماير وانضوة تحته
    صام السيف عنهم وانت صمت السيف
    لمن وصل حدها ارگاب فطرته
    من هديت يظت جيش ناحر جيش
    سيفك روس يحصد وانت حاصرته
    صحت ابصوت لليوم ابصدى ماشين
    بالدم والشهاده الصوت رتلته
    مو طلاب جاه الجاه يكشخ بيك
    واقسم سجد يمك وانت ماردتــه
    لان معدن ضميرك صوغ رب الكون
    مايصده اوجلالة ربه صايغته
    بيد اذناب اميه ارتخه احزام الدين
    بچفوف الچفيل اردود حزمتـــه
    واستبرق لبس بدماك ثوب الدين
    راهي اوياك طول ابطول گدرته
    توذر دين جدك وانجرح وانصاب
    من شريان نحرك جرحه خيطته
    عد عداد اميه اورد عكس للات
    ابنحر القبلاه ياسين صفرته
    اوظل عداد نحرك ينزف الثوار
    اوصَـَّفر عد اميه ابسهم حرملته
    عنك شرد اسولف كون اسولف بيك
    سابج كل حچينه اوفعل سولفتـه
    الغيره البيك منك تغرف اوتطيك
    اوراسك ياغيور الغيره حاسدته
    حادي الظعن راسك والچفل ناطور
    خيال اعلى رمحه اويبره عايلته
    ماذل ظعن بيتك من مشوا للشام
    وعيونك كتايب جيش حارستـــه
    يخسه الظن اسراه البظعن ماشين
    بحماك الظعن والجيش اسرته
    وعيون الچفيل اتمرعشت بالليل
    عين اتشگ ظلامه اوعين يم اخته
    قبضت سيف طفك چان عزرائيل
    موش ارواح خيل اوزلم قبضته
    صَغر مذهول من شافك طحت للگاع
    يخجل ما يچهبك انت صايحتـه
    شرعت النحر للسيف وتحييه
    قربان اونذر للدين قدمتـــه
    هنيال الشهاده اوهني لملك الموت
    طاف اعليك مِحرم وانت زورتـه
    ــــــــــــــــــــــ


    مشير السعيدي












    [/b]


    _________________
    انه الماصَر ضميره أوعَلـَگ الوجدان
    صَر اهموم رَبعَه ابزحمة اكواره

      الوقت/التاريخ الآن هو الأربعاء أكتوبر 18, 2017 12:18 am