موقع الشاعر مشير السعيدي

موقع الشاعر مشير السعيدي

شعر شعبي

التبادل الاعلاني

السلام عليكم على بركة الله افتتح منتدانا المتواضع هذانرجو ابداء ارائكم الكريمه لانها تهمنا كثيراالشاعرمشير السعيدي

    محولل او موهوب

    شاطر

    محولل او موهوب

    مُساهمة من طرف المشرف العام مشير السعيدي في الأربعاء يونيو 18, 2008 2:47 pm




    محولل اوموهوب

    ـــــــــــــــــــــــــــ

    هاك اخروص روحي امحولل اوموهوب

    تلوليلك تهزك من تريد اتنــــــــام

    شرغد وسط گلبي اوچبدي اليغطيك

    حتى ابگلبي تحلم من تجيك احلام

    بُعدك صح ذبحني اوصح هتكني الشوگ

    لچن توصل خزرتك من بعيد اسهام

    فاطر چنت گبلك ماصمت يومين

    راح اگضي البگن وياك كله اصيام

    بلساني اشحلاتك لوجبت طاريك

    شهد بكسير شهدك مختلط شمــام

    مزار ابگلبي احطلك لاتروح ابعيد

    وانه اوگلبي ابمزارك نشتغل گِوام

    علگني اعلى صدرك سنسله اتحليك

    اودگدگني اعلى جيدك معضد اوخزام

    دير ابخصري ايدينك ظمني حيل اوياك

    وانا اعليك ادير اثنين اديه احــــــزام

    جنني هواك اوطبعك المملوح

    اظن انا غشيم وانت بعدك خـــــــام

    گلب گلبي اعلى البطانه العشك وياك

    امعرت بيه ويعتني الگلب جــدام

    خاف انطيح كتله اشبيك دوم اسبيج

    اوخاف اتفز تراك اوتنصدم باوهام

    منه امعور يگلبي اوتبت هاي اسنين

    اولومرني العشگ من ظيمه اگوم اگوام





    مشير السعيدي


      الوقت/التاريخ الآن هو الخميس أبريل 26, 2018 3:13 pm