قصيدة خيط الحرير للامام موسى ابن جعفر عليه السلام

**المشرف العام**

[size=18]
[b][size=21]خيط الحرير
ـــــــــــــــــــــــ
ياخيط الحرير اوراهب اهل البيت
ياسبحان ربك چم كرامه اطاك
ياصبر العقيله اوزدت وتساويت
يل ايوب مل اوماتساوه اوياك
كلشي البيك مايشبه نبي الزهاد
ساجد وانت گاعد والهوه امصلاك
طفوا نور سجنك وانطفوا للدوم
مايدرون سجنك يضوي من محياك
لوسمعوك ضنوا تقره بالقرآن
والقرآن چان ابشتدك يقراك
تكظم غيض روحك لليعيل اعليك
بس العرش يغضب من تحرك اشفاك
مو سجان نعشك شاله جبرائيل
اوگام الجسر رهبه اوسجد وتلگاك
تبت يَد السندي اوتب عرش هارون
باسفل درك نزلوا سيدي اوعلاك
بني العباس فطروا من صمت دنياك
واحنه اعلى الشهاده ابلا وجل صمناك
اوضريحك صار كعبه اوليه نحج ونزور
اوملك الموت يمك ننخه بيه حياك
حتى انا الغريب اوي اليحج صليت
شگ اضلوعه گلبي لگبرك اتعناك
من ياباب اوصفك وانت الك چم باب
افني اسنين عمري اوماتگيش اوياك
من كل باب اجينه انصيح الف لبيك
اودوه ابنص ضريحك صوت بايعناك
بايعناك صرخه امن الجسر لليوم
بالدم والضماير موسى عاهدناك
نتماطل ابسمنا اومر الف هارون
والف سجان راح اوجتنه الف صهاك
تنكس الف رايه اوالف رايه اتگوم
لكن ماتهزهز شعره وحده الواك
ذاك انت اوهذيج اگباب گبرك نور
تتلگاه لبره اليعتني اوينخاك
من باب الحوائج يالتريد امراد
اطلب مال حاضر تقبض ابيمناك
بالعباس اقسم تجربه اوبرهان
اندبه اوشوف فعله وبرگبتي اخطاك
يكفيك امن الهك شرف بيه مخصوص
ناقص دين كلمن ماوصل زاراك

مشير السعيدي
[/size][/size][/b]

_________________
انه الماصَر ضميره أوعَلـَگ الوجدان
صَر اهموم رَبعَه ابزحمة اكواره